MNEC –Loron Quinta Feira, 17 fulan Outubro 2019 Direção Geral dos Serviços de Registo e Notariado (DGSRN) ) partisipa enkontru liñas Ministerias nebe’e hala’o iha Ministério dos Negócios Estrangeiros e Cooperação (MNEC) relasiona ho pedidu husi Embaixada Indonesia nian konaba konsesaun visto ba sidadaun Indonesia sira ne’ebe rekoñesidu no identifikadu undocument maibe hela iha Timor Leste. Embaixada Indonesia hala’o ona projetu piloto hodi identifika sidadaun Indonesia sira nebe undocument iha Timor Leste, projetu piloto hala’o iha Municipio tolu, Dili, Ermera no Liquiça.
Enkontu refere prezidi husi Diretora Geral Interina Assuntos Bilaterais, Sra. Josefina Tilman no Diretor Geral Assuntos Consulares Protocolo e Media, Sr. Embaixador Juvêncio Martins.
Iha introdusaun Diretora Geral Interina Assuntos Bilaterais, Sra. Josefina Tilman hateten katak, enkontru ida ne’e atu konvida ita boot Diretores Geral sira husi Ministério relevante atu mai tau ideia hamutuk hodi responde ba kestaun Governo Indonesia nian, liu husi Ministério da Justiça Direitos Humanos República Indonesia nia karta relasiona ho verifikasaun final hahu loron 16-18 fulan setembro tinan 2019 ba sidadaun Indonesia ne’ebe mak hela iha Municipio Dili, Liquiça no Ermera hamutuk 271 ne’ebe laiha dokumentus.

Iha biban hanesan Diretor Geral Assuntos Consolares Protocolo e Media, Sr. Embaixador Juvêncio Martins husu Ministério da Justiça nian hanoin lei fo dalan ka lae governu RDTL fo vistu ba sidadaun Indonesia siran e’e.
Hatan ba perguntas nebe’e hato’o refere relasiona ho governu Indonesia nian nebe’e husu atu governu RDTL fo vistu ba sidadaun Indonesia sira ne’e, Husi parte Ministério da Justiça liu husi Diretor Geral ba DGSRN, Crisogno da Costa Neto akresenta katak : Relasiona ho sidadaun sira ne’e desde Indonesia nia tempu sira hela iha ne’e kleur ona maibe dokumentus mak laiha, no balun foin mak mai, agora kestaun sira nia governo dehan atu trata vistu hau hanoin ita tenke hare’e husi parte juridica Timor Leste nian tanba ita iha lei no dekretu mak regula kona-ba sidadania, ne’ebe ita fo vistu ba sira tenke hare ba rekesitus balun nebe’e parte imigrasaun mak hatene oinsa fo vistu ba sidadaun estrangeiro ne’ebé tama mai Timor Leste. Iha opsaun seluk, mak Estadu Timor Leste mak sei foti desizaun politika atraves Governo hodi desidi oinsa tratamento ba sidadaun Indonesia ne’ebé undocument hela kleur iha Timor Leste.

Ministerio Relevante nebe’e mak hetan konvite hodi tui r enkontru refere mak hanesan Ministério da Solidariedade Social e Inclusão (MSSI), Ministério da Administrasaun Estatal (MAE), Ministério da Justiça, Ministério da Defesa, Ministério das Finanças, no Ministério Interior - Imigrasaun.