SETP Sai Alta Entidade ba Komemorasaun 20 de Maiu iha Aileu

AILEU-Sekretáriu Estadu Terras Propriedades (SETP), Mariano Ximenes iha loron 20 fulan-Maiu 2019 foin lalais ne’e sai alta entidade ba komemoarasaun loron restaurasaun independénsia 20 de Maiu ba danaulu resin hitu iha Munisípiu Aileu.

Hanesan Inspetur ba Serimonia icar bandeira nian, Mario Ximenes lee mós diskursu prezidente República Democrática de Timor-Leste, Francisco Guterres Lu-Olo nian ba tinan ida ne’e nian mak fó kondekorasaun ba veteranus nain 10 no medalla orden kolar nian ba bain 15.

Iha diskursu Prezidente Lu-Olo nian ne’e mós fó atensaun másimu ba iha unidade nasionál paz, estabilidade no dezenvolvimentu, tanba ho dezenvolvimentu mak timor oan hotu bele halibur hamutuk hodi bele la’o ho susesu.

Mensajen Prezidente nian ne’e ne’ebé mensiona mós kona-bá prosesu luta ba ukun-án ninan ne’e nia, fó mós ninia agradesimentu ba Defeza no Seguransa, tanba parte rua ne’e mak garante auto defeza estadu nian no unidade no estabilidade iha rai-laran.

Nune’e iha mensajen Presizenti nian ne’e ko’alia mós kona-ba diversifikasaun ekonómika ne’ebé defende agrikultura, industria, kreativas, manifaktura, komunikasaun no teknolójia no produsaun hosi empreza sira maske ho estaka ki’ik no mediu ne’ebé maka sei dudu kresimentu nune’e mós agrikultura sai instrumentu importante iha dezenvolvimentu umanidade.

Iha biban ne’e SETP lé mós mensajen Prezidenti nian ne’ebé mak mensiona mós kona-bá produsaun kafé ne’ebé koinesidu iha mundu ho kualidade ás. nian ne’ebé maka tuir sensus populasaun ba tinan 2014 nian rejistu uma-kain rihun-tolunulu resin-ualu mak kuda café no konsumu rasik sira nia café, hosi sensus ne’e mós hatudu katak kada uma-kain tinan ida hetan ninia rendimentu US$ 600,00, tanba ne’e bainhira Timor-Leste hadi’a kualiade no produsaun bele hetan rendimentu ás liu iha merkadu internasionál.

Iha komemorasaun 20 de Maiu ne’ebé hetan mós partisipasaun hosi diretór Jerál MTCI no MJ nian inklui mós dirijentes sira ámbitu MJ, SETP no Munisípiu nian ne’e SETP liu hosi ninia intervensaun husu ba Aileu oan sira tenki tau iha hanoin no prátika tanba iha futuru munisípiu Aileu sei sai hanesan sidade universitáriu, tanba ne’e hakotu ona liuhosi desizaun Konsellu Ministru.

Tuir Mariu, Faze inisiu komesa hala’o ona, tanba hosi parte SETP ho ministériu relevante sira kumesa identifika ona rai ne’ebé mak serve hodi bele harí sidade universitáriu.

Tanba ne’e Membru Governu ne’e husu bainhira programa ne’e tama husu ba komunidade sira hodi labele sai hanesan obstaklu ba prosesu dezenvolvimentu, tanba ne’e husu Aileu oan sira nia kontribuisaun no kolaborasaun. *

Ananias Babo Horta
Relasaun Públika DNTPSC