ENKONTRU INTERNASIONÁL BA DALA XI HUSI MINISTRUS JUSTISA SIRA

Dili, MJ: iha loron 28-29 Novembru 2018, Ministrus Justisa sira, ativista ba Direitu Umanu, reprezentante husi Sosiedade Sivil sira, hasoru malu iha Roma hodi diskute konaba ‘a World without the death penalty’. Konferénsia ida ne’e organiza husi Komunidade Sant’Egidio Roma no hetan partisipasaun ho karatér altu níveis husi institusionais sira, inklui Paízes sira ne’ebé aplika ‘pena morte’, partisipa mós husi testamunha sira relasiona ho aplikasaun ‘pena morte’ iha Paíz balu.
Konferénsia ida ne’e ho objetivu atu forma plataforma diálogu entre País sira ne’ebé implementa ‘pena morte’ no oin –nusa buka esforsu atu halakon asuntu ida ne’e.
Durante loron rua nia laran, Ministrus da-Justisa sira hato’o sira nia Polítika no Pozisaun kona-ba aplikasaun ‘pena morte’ iha sira nia rain. Iha ona esforsu lubuk ida husi Paíz sira atu altera ka emenda lejislasaun ne’ebé aplika ‘pena morte’ iha Paíz balu, inklui pozisaun husi Paíz sira ne’ebé partisipa konferénsia ida ne’e.

Sua Exelénsia Ministru Justisa Dr. Manuel Cárceres da Costa, iha okaziaun ne'ebá hato’o intervensaun iha konferensia refere, hodi reprezenta Timor-Leste ne’ebé hanesan paíz ida la aplika ‘pena morte’.

29 Novembru 2018

Media_Gabinete_MJ