Díli- Sistema Nasionál Cadastro (SNC) iha loron 5 fulan-Dezembru 2018 foin lalais ne’e, fasilita formasaun ba iha kargu Xefia no diretores munisipais sira ámbitu Diesaun Nasionál Terras Propriedades no Servisu Kadastrais (DNTPSC) iha salaun enkotnru DNTPC.

Iha formasaun ne’ebé maka hala’o durante loron 2 ne’e Diretór Nasionál DNTPSC, Horacio da Silva husu ba partisipante sira atu bele fó sira nia partisipasaun másimu ba iha formasaun ne’ebé maka fasilita hosi SNC tanba formasaun ne’e sei iha ninia validade iha futuru.

Diretór ne’e resalsa mós, formasaun ne’e ninia objetivu, atu iha futuru, diretores sira bele hatene ona informasaun ruma kona-ba atividade SNC nian, nune’e bainhira SNC re-entrega ba iha governu, diretor sira bele hatene ona servisu saida maka atu halo iha futuru.

Diretor ne’e mós husu ba kargu xefia no diretór munisipais sira ámbitu DNTPSC tenki entende didi’ak ba programa hirak mak apreszenta hosi SNC, tanba iha futuru SNC sei entrega ba iha Governu liuhosi DNTPSC.

Programa ba formasaun nian mak hanesan diagonóstiku atividade SNC iha eskala nasionál no Munisipál, aprezenta mós programa ba planu atividade SNC nian ba tinan 2019 no kordenasaun entre Diresatu Terras Propriedade no Servisu Kadastrais Munisipál nian ho SNC sentral.

Iha biban ne’e aprezenta mós migrasaun informasaun anterior sira ho ninia prosedimentu inklui mós ninia rezultadu no mós ninia problema sira mak durante ne’e ekipa SNC hasoru.

Durante formasaun ko’alia mós atividade sira kona-ba lejislasaun ne’ebé durante ne’e apoiu ba prosedimentu legal sira, durante formasaun hosi SNC aprezenta mós modelu rezistu predial nian iha futuru.

Iha fatin hanesan Diretór Tékniku ba Projeto Sistema Nasionál Cadastro (SNC), João Loução, husu ba partisipante sira hodi bele fó sira nia partispasaun másimu ba iha formasaun maka sei hala’o durante loron rua.

Tanba tuir João formasaun ne’ebé maka nia ho nia ekipa sira hala’o ne’e importante ba funsionáriu sira atu bele hatene tanba ne’e importante tebes ba diresaun.*