Sekretáriu Estadu Terras Propriedades (SETP), Mario Ximenes, iha loron 28 fulan-Novembru 2018 foin lalais ne’e sai hanesan inspetur ba serimónia hodi komemora loron proklamasaun independensia ba dala-43 iha Munisípiu Aileu.

Hafoin hasa’e bandeira Sekretáriu Estadu liu hosi ninia intervensaun hodi lee mós diskursu no mensajen Prezidente da Repúblika nian ba iha sidadaun hotu mak partisipa iha icar bandeira ne’ebé mak halao iha kampo futebol aileiu nian.

Hafoin lee-sai diskurusu Prezidente da Repúblika nian SETP husu ba liña sektorais sira iha ámbitu munisípiu Aileu nian atu bele valoriza loron históriku ne’e liuhosi ema idaidak ninia partisipasaun iha icar bandeira.

Iha biban ne’e nia salienta mós, hanesan aileu oan tenki valoriza heroi ba libertasaun nasional sira ne’ebé maka iha momentu ne’ebá sakrifika sira nia-an ba timor-leste ninia libertasaun, tanba aileu oan barak maka mate tanba rai-doben Timor-Leste.

Iha biban ne’e Mario husu mós ba iha veteranu sira hotu iha munisípiu aileiu atu bele fó sira nia apoiu ba iha prosesu dezenvolvimentu hodi bele la’o ho di’ak hodi bele koresponde ba situasaun hirak ne’ebé maka hato’o hosi deskursu Prezidente da Repúblika nian n’ebé maka hato’o ona ba sidadaun hotu iha timor laran.

Iha biban ne’e SETP lori governu nia naran hato’o agradesementu ba partisipante hotu ne’ebé partisipa iha serimónia icar bandeira no hato’o mós ninia saudasaun ba grupo icar bandeita ne’ebé la’o ho di’ak tebes.

Iha biban ne’e, SETP lori naran governasaun dawalu nian entrega mós premiu hanesan taxa ba manan-nain sira ne’ebé maka hetan valor diak ba iha atividade saúde nian ne’ebé maka prepara hosi komisaun organizadora.

Hafoin entrega premiu ba mana na’in sira SETP hetan mós konvite hosi komisaun organizadora ba komemorasaun loron proklamasaun independensia nian iha munisípiu Aileu hodi halo vizita ba expozisaun ne’ebé maka nakonu ho sasan no aihan lokal sira mak hatudu hosi komunidade sira hodi asiste mós dansa tradisionais no eventu sira seluk molok dezloka hirak ba nasionál.

Partisipa iha sermonia icar bandeira ne’e mak Sekretáriu Estadu Terras Propriedades, Diretór Nasional Terras Propriedades no Servisu Kadastrais inklui mós kargu xefia no funsionáriu sira iha ámbitu diresaun nian.*