S.E. MINISTRU JUSTISA SIMU AUDENSIA PROKURADOR- JERAL REPÚBLIKA DR. JOSÉ DA COSTA XIMENES

Dili, MJ: S.E. Ministru Justisa Dr. Manuel Cárceres, simu audensia Dignísimu Prokurador –Jerál Repúblika, Dr. José da Costa Ximenes, iha knar fatin Ministériu Justisa, Sesta feira (12/10/2018) fulan ne'e.
Iha Enkontru, membru Konsellu Kordenasaun Justisa nain rua koalia sobre asuntu importante tolu ;
Primeiru, troka hanoin kona-ba setor Justisa ninian, liuliu servisu espesializada sira iha Ministériu Públiku.
Segundu, koalia sobre planu alargamentu teritorial servisu Ministériu Públiku nian ba munisípiu sira, especial iha Munisípiu Lautem. Nune'e tuir planu iha tinan 2019 sei hari'i uluk edifisiu Ministériu Públiku nian, hafoin haruka delegasia Ministériu Públiku nian hodi hala'o servisu iha Munisípiu Lautem.
S.E. MInistru Justisa, Dr. Manuel Cárceres da Costa, apoiu planu alargamentu ne'ebé aprezenta husi Prokurador-Jeral Repúblika refere, no iha tinan oin sei hahu konstrusaun ba edifisiu Ministériu Públiku iha Munísipiu Lautem.
Aleinde kolia sobre asuntu alargamentu teritorial no delegasaun Ministériu Publiku nian, S.E. Ministru Justisa no Dignísimu Prokurador –Jeral Repúblika koalia mós kon-ba planu atribuisaun Cidadania bazeia ba kazamaentu (Pur Casamentu) ba cidadaun estranjeirus atus tolu resin sira ne'ebé ninia prosesu pendente hela.
Tuir Planu Ministériu Justisa sei atribui sertifikadu cidadania iha fulan Outubru, Novembru no Dezembru tinan ne'e.
Enkontru ida ne'e hanesan enkontru ba daruak entre S.E. Ministru Justisa ho Dignísimu Prokurador-Jeral Repúblika, Dr. José da Costa Ximenes, depois de halo enkontru dahuluk bainhira halo vizita kortezia ba Ministériu Públiku iha loron 5 fulan Jullu 2018 liuba.

Media_Gabinete_MJ