S.E. MINISTRU JUSTISA DR. MANUEL CÁRCERES DA COSTA PREZIDE ENKONTRU KONSELLU JERAL SENTRU FORMASAUN JURÍDIKU NO JUDISIÁRIA

Dili, MJ: Segunda feira (10/09/2018) semana ne'e, S.E. Ministru Justisa, Dr. Manuel Cárceres da Costa prezide enkontru Konsellu Jeral Sentru Formasaun Jurídiku no Judisiáriu (SFJJ) ba dahuluk hafoin simu posse nuudar Ministru Justisa, iha salaun enkontru gabinete Ministru Justisa.

Bazeia ba artigu 10.º, dekretu-lei nu. 26/2015 de 12 Agostu Membru Konsellu kunsultivu Sentru Formasaun Jurídiku no Judisiáriu kompostu husi:
a) Ministru Justisa, ne'ebé Prezide,
b) Prezidente Tribunal Rekursu;
c) Prokurador Jeral Repúblika'
d) Defensór Públiku-Jeral'
e) Prezidente Konsellu Jestaun no Dixiplina ba Advokasia
f) Diretór Sentru Formasaun Jurídika no Judisiária
g) Diretór Adjuntu Sentru Formasaun Jurídika no Judisiária
h) Koordenador Jerál Formasaun.

Enkontru ne'ebé hahu iha oras tuk 10;00 otl refere ho objetivu kolia sobre asuntu importante hirak mak hanesan; nomeiasaun Diretór Jeral Adjuntu ba Sentru Formasaun Jurídika no Judisiária (SFJJ), asuntu reforma kurikular iha SFJJ Caicoli no rehabilitasaun ba edifisiu SFJJ.

Sentru Formasaun Jurídika no Judisiária mak organizmu ho autonomia téknika, ho tutela administrativa Ministeriu Justisa nia, ne'ebe responsável ba formasaun profisional, investigasaun no realiza estudu sira ba área justisa no direitu.

SFJJ ninia objetivu halo reforma kurikuler atu nune'e bele asegura liutan kualidade ba atividade formativa sira liuhosi ninia planeamentu, monitorizasaun no avaliasaun hodi hadia'k liutan sistema formasauun iha Sentru Formasaun hodi eleva liutan kapasidade no kualidade majistru judisial sira, Ministériu Publiku nian no Defensor Públiku sira, nune'e bele halo servisu ho profesional liutan iha atendementu ba cidadaun Timor-oan ne'ebé presiza assisitensia Justisa.

Iha intervensaun Sr. Ministru, husu ba Ministériu Públiku atu indika pessoal ruma ne'ebé professional husi Ministériu Públiku nia parte ba Ministru Justisa, hodi bele nomeia nuudar Diretór Jeral Adjuntu ba Sentru Formasaun Jurídiku no Judisiáriu (SFJJ).

Partisipa iha enkontru Konsellu Jeral Sentru Formasaun Jurídika no Judisiária ne'ebé Prezide husi Ministru Justisa Dr. Manuel Cárceres mak hanesan; Prezidente Tribunal rekursu, Juíz Deolindo dos Santos, Prokuradór-Jeral Repúblika Adjunta, Dra. Zelia Trindade, ne'ebé reprezenta Prokurador-Jeral Repúblika,Dr. Jose da Costa Ximenes, Defensor Públiku-Jeral, Dr. Cáncio Xavier, Prezidente Konsellu Jestaun no Dixiplina ba Advokasia, Sr. Nelinho Vital,atual Diretór Nasionál ba Diresaun Nasionál Assesoria Jurídika no Judisiária, Diretór SFJJ, Juíz Antonino Gonçalves no Koordenadór Formasaun SFJJ.

13 Setembru 2018
#Media_Gabinete_MJ