Sra. MINISTRA JUSTISA SELEBRA LORON ANIVERSARIU GUARDA PRISIONAL BA DALA XVIII IHA PRISAUN BECORA

Versão para impressão

"Notícia em Português"
Dili, Prisaun Becora, Sra. Ministra Justisa Dra. Maria Ângela Carrascalão partisipa iha selebrasaun aniversariu Guarda Prisional ba dala XVIII, hamutuk ho guarda prisional iha área Estasionamentu prisaun becora, loron kuarta-feira 2-05-2018.
Aniversariu XVIII Guarda Prisional, iha loron 2 de Maio 2018 ba marka mós ho serimónia entrega SERTIFIKADU ba Guarda Prisional nain sanulu resin tolu (13) mak hanesan ema nain sia (9) husi prisaun Becora no nain hát (4) husi prisaun Gleno, ne'ebé maka hatudu ona sira-nia kontribuisaun no dedikasaun, prestasaun servisu ba iha Estabelesimentu prisaun nian.

Sertifikadu ba ema nain sanulu resin tolu (13), nu'udar agradesimentu husi Sra. Ministra Justisa nia ba Guarda Prisional sira ne'ebé halo nian kna'ar iha risku nian laran, maske nune'e, sira dedika nian An nafatin.
Sra. Ministra Justisa hateten "Governu rekonese no tau honra ba servisu Guardas Prisionais, ho nune'e iha biban ida ne'e, hau hato'o parabéns ba ita bót sira nomós husu atu nafatin hatudu profissinalismu servisu hodi kontribui ba desempenho servisu prisionais. Hau hatene katak servisu prisionais iha desafiu barak tanba situasaun superlotasaun iha Estabelesimentu prisional liu-liu Becora, maibé ita nafatin esforsu atu buka solusaun ba asuntu ne'e maka loke ona Estabelesimentu prisional Suai atu nune'e bele reduz superlotasaun iha Estabelesimentu prisional becora.

Além ida ne'e, fasilidade sira ba guarda prisional mós sei falta, maibé Governu sei hola atensaun ba kestaun ida ne'e. Ba guarda prisional ema nain sanulu resintolu (13) ne'ebé simu SERTIFIKADU, agradesimentu tanba hatudu prestasaun servisu diak, maka husu ita bót sira atu nafatin hatudu responsabilidades servisu ba servi ita nian Instituisaun ho diak".


Honorio Santos
Media Officer
Gabinete Ministra Justisa