Komunikadu de imprensa "Ministériu Justisa ho Universidade Nacional de Timor-Lorosa’e hametin liu tan ninia kooperasaun"

Versão para impressão








"Comunicado de imprensa em Português"
Loron 17 Abril 2018
Ohin assina iha Díli, Instrumentu kooperasaun rua husi Ministériu Justisa ho Universidade Nacional de Timor-Lorosa’e, neebe atu haloot no fo dinamiku ba relasaun kooperasaun entre instituisaun rua nee.
Assina tiha ona Akordu Geral ba Kooperasaun ne’ebe define ba base kooperasaun entre instituisaun signatarius ka instituisaun neebe assina buat hirak nee, no hatudu ninia rekonhesimentu papel ne’ebe importante iha universidade públika no iha akadémia atu harii sistema justisa nian, neebe tenke apoiu hanoin ka pensamentu jurídiku ne’ebe livre no doutrina neebe siêntifiku no rigor teb-tebes.

Ho maneira ida nee, akordu neebe assina tiha ona iha objectivu ne’ebe potensial teb-tebes atu fahe konhesimentu no ninia rekursus, liu-liu iha area barak hanesan formasaun ba rekursus humanus, desenvolvimentu instituisional, peskiza siêntifika no utilizasaun ba instalasaun, ho buat hirak nee atu kria sinergia ne’ebe positivu entre espasu akadémiku no espasu justisa nian.
Ho ida ne’e, asina mos protokolo kooperasaun ne’ebe estabelese ninia procedimentu ka regra ne’ebe atu realiza ninia prova, hamutuk ho Instituto Nasional Linguistika UNTL nian, neebe lao hamutuk ho kompetênsias linguistikas ba Língua Portuguêsa no Língua Tétum ba ema sira neebe husu ka rekere sira nia nasionalidade timorense liu husi kazamentu ne’ebe hatudu iha Diresaun Nacional ba Registo Notariadu, hanesan parte ida atu kria prosedimentu ne’ebe lalais atu fo prova ba konhesimentu kona ba lian oficial nian, hanesan mos rekisitus legais ne’ebe fo ba ema ne’ebe husu aquisisaun nacionalidade liu husi kazamentu.

Assinatura ba instrumentu rua ne’e halao iha Auditoriu Ministériu Justiça nian ho presensa S. Exa. Ministra da Justisa Dra. Maria Ângela Guterres Carrasacalão no Magnifiku Reitor Univerdidade Nacional de Timor-Lorosa’e Prof. Dr. Francisco Miguel Martins.

Honorio Santos
Media Officer
Gabinete Ministra Justisa