Ministériu Justisa divulga Lei kona-ba Bein imovel no Expropriasaun ba Utilidade Publika iha Hatu-udo

Versão para impressão

Hatu-udo, Munisipiu Ainaro- Ministériu Justisa (MJ) liu hosi Diresaun Nasiona l Direitus Umanus no Cidadania (DNDHC), Diresaun Nasional Asesoria Juridika no Lejislasaun (DNAJL) no Diresaun Nasional Terras Propriedade e Serviço Cadastral (DNTPSC) servisu hamutuk ho didivulga Lei N.° 13/2017, Rejime Espesiál ba Definiasaun Titularidade Bein Imovel nomos Expropriasaun ba Utilidade Publika Lei N.° 8/2017 iha Postu Administrativu Hatu-udo, loron 28 Marsu 2018.
Reprezentante Diretór DNDHC, Francisco Vasco Soares hateten“ami mai ho objetivu fóin formasaun lei kona-ba bein imóvel inklui kualia mós kona-ba ekspropriasaun no utilidade publika nune’e komunidade bele komprende no prevene konflitu.”
Adminitrador Postu Hatu-udo, Rogerio da Costa hateten, “ami sente kontente ho prezensa Ministériu Justisa hodi fahe informasaun lei rai ba ami tamba iha ne’e problema rai barak. Hau espera katak ita komprende didi’ak lei foun kona-ba rai ne’e no labele hamosu krime mai be buka dalan tuir lei hatete.”
Iha fatin ne’e be hanesan jerente UNDP, Januario Rangel Soares hato’o lia menon badak kona-ba apoiu programa justisa nian inklui hatete sira nia koperasaun ho Tribunal liu hosi programa Tribunal movel.

Ekipa Fasilita sesaun ne’e kompostu hosi, DNAJL, DNDHC no DNTPSC. Lei N.° 8/2017, Expropriasaun ba Utilidade Publika, hato’o hosi, Sefi Departementu, Honorio Magalhaes. Lei N.° 13/2017, Rejime Espesial Definiasaun Titularidade Bein Imovel, hato’o hosi Tekniku Superior, Carmelindo da Silva Caetano nomos ba perguntas konflitus iha terenu, responde hosi DNTPSC.
Partisipante ne’ebe asiste sesaun ne’e mak hanesan Admintrador Postu, reprezentante PNTL, Jerente UNDP, Sefi suku sira iha postu refere, Sefi Aldeia sira, juventude feto no mane no komunidade sira seluk. (C)

Carmelindo da Silva Caetano
Tekniku Superior, DNDHC MJ