MINISTRA JUSTISA FÓ POSSE BA KARGOS XÉFIA IHA GABINETE DIRETÓR JERAL MINISTÉRIU JUSTISA

Versão para impressão

Dili-CFJJ , Governu dahituk, Ministra Justisa Dra. Maria Ângela Carrascalão, akompanha Diretór Jeral Ministériu Justisa Dr. Henrique de Oliveira Ximenes, representante Comisario Função Públika Dra. Anita Tavares, Inspetór Gia Dr. Lucas António da Costa, no familia empossadus no funsionários Ministériu Justisa nian, loron sesta feira 22 Desembru 2017.
Lian menon hosi Diretór Jeral Ministériu Justisa Dr. Henrique de Oliveira Ximenes hato'o parabens ba empossadus kargu xéfias nain sanulu (10), subinspetór nain rua (2), Diretór konservatóriu nain ida (1) ne'ebé ohin simu posse hamutuk ema nain sanulu resitolu (13), hosi diresaun tolu (3) iha Ministériu Justisa.
Hosi VII Governu Konstitusionál Dikretu lei no 25/2016 entrega e vigor knar atu halao serbisu tenke liu rekrutamentu tuir méritu, equidade, nu'udar jestaun ba rekursu umanu ne'ebé efisiente, efikasia no responsavel, konstitui tuir etapa nessesaria ba iha lideransa ida ne'ebé empenha ba iha jestaun no mudansa. Selesaun ne'e tuir méritu, halao ho RIGOROZU hodi hare rekezitus ba hakerek liu sistema komputador DIGITALIZASAUM ne'ebé iha ona, no selesaun liu hosi intervista.
Sei iha termos de entrega PATRIMONIA estadu ba empossadus ne'ebé ohin simu posse, husu mós ba kargu xéfias sira atu produtividade ba iha responsabilizasaun no kúmpri integral ba dever funsionáriu no ajente Administrasaun sira nian.
Intervensaun hosi S.E. Ministra Justisa Dra. Maria Ângela Carrascalão hateten Ita bót hetan funsaun serbisu ne'ebé RIGOROZU no responsabilidade serbisu ba povu Timor tomak tenki servi ho dignidade, kúmpri ho lealidade ba iha funsaun ho padraun PROFISSIONALISMU ne'ebé As no etika.
Ministériu Justisa nu'udar Instituisaun ida ho servidores Estadu no hanesan mós mensajeiru ba paz no dixiplina. Hau husu mós ba ita bót sira ne'ebé simu knar ba kargu diresaun xéfia atu kúmpri kumprimisu ne'ebé ita bót hateten iha JURAMENTU, sedeit mak iha Estadu Timor-Leste ne'ebé hetan konfiansa atu assume kargu diresaun no xéfia laos atu assume to'o "MATE" maibé iha periodisidade ba funsionárius tomak iha Ministériu Justisa, ne'eduni sedeit mak hetan konfiansa atu serbisu ho TRANSPARENSIA, RESPONSABILIDADE, NO DIXIPLINA ba rai Timor-Leste ida ne'e. Ministra Justisa enkoraje ba empossadus sira atu kontinua halo koordenasaun no komunikasaun diak ba malu hodi implementa programa no atividade sira tuir Planu Asaun Anuál (PAA) Ministériu Justisa nian. Tanba sucesso ita bót ida, tenki konta mós nian sucesso tanba hatene kolabora iha profisionalismu iha prátika.
PARABENS BA ITA BÓOT SIRA HOTU, MINISTÉRIU JUSTISA IHA ITA BÓOT SIRA NIAN LIMAN.
Hosi diresaun Gabinete Diretór Jeral Ministériu Justisa hanesan Sra. Rosinha Maria das Dores Mariz Conceição assume kargu xéfe departamentu Planeamento, Orsamento, Monitorização e Avalição, Sra. Madalena Guterres Correia, assume karguxéfe departamentu de Serviços de Apoiu Técnico Administrativo, Dr. Roberto da Costa Magno assume kargu xéfe departamentu de Protocolo e Relações Externas, Sr. Amilcar Soares Seixas assume kargu xéfe departamentu de Gestão e Organização de Recursos Humanos, Gabinete Inspeção Auditoria Dr. Jaime Maia Subinspetór de Fiscalização e Auditoria, Dr. Gaspar de Araujo Subinspetór de Inspeção e Investigação, diresaun DNAF Dr. Isolino Marques assume kargu xéfe departamentu Planeamento e Orsamento, Sr. Elvio Marciano de Deus Soriano assume kargu xéfe departamentu Aprovisionamento, Dr. Salvador da Costa Fernandes assume kargu xéfe departamentu Administração e Recursos Humanos, Sra. Carmen Fatima Moniz Soares assume kargu xéfe departamentu das Finanças, Sra. Nelinha de Deus Soares assume kargu xéfe departamentu de Logistica.
Serimonia tomada de posse termina iha oras 11:35, depois de kafé fahe malu, Ministra Justisa kontinua halao serbis iha Gabinete Ministra Justisa.

Honorio Santos
Gabinete Ministra Justisa
Media Officer