MINISTRA JUSTISA HALO NATAL HAMUTUK HO PRISIONEIRO IHA PRISAUN BECORA

Versão para impressão

"Notícia em Português"
Dili-Prisaun Becora , Governu dahituk, S.E. Ministra Justisa Dra. Maria Ângela Guterres Viegas Carrascalão, akompanha Ministra Solidaridade Sosial Dra. Florentina Smith, Sek. Estadu Promoção e Juvetude e Trabalho Dr. Nivio Magalhaes, Madre hosi paroquia Becora, NGO Caritas Australia, Rede apoiu serbisu prisaun, loron quarta feira 20 Desembru 2017.

Ministra Justisa depois de tuir enkontru Konsellu Ministru (KM), iha oras 11:13 partisipa Natal hamutuk ho prisioneiro iha prisaun Becora.

Intervensaun hosi Ministra Justisa katak serimonia Natal hamutuk ne'e hanesan reflesaun no halo rehabilita prisioneiro sira wainhira fila ba sosiadade nia let bele kontribui dezenvolvimentu ba rai ida ne'e tanba ita bót sira iha prisaun hodi kúmpri ita bót sira nian ne'ebé komete. Ita bót sira tau esperansa nakonu ho domin ba Natal ne'e, hein katak ita bót sira sei iha tempo atu passa Natal hamutuk ho ita bót sira nian familia.

Álende ne'e Ministra Justisa hateten prisaun laos fatin atu kastigo ema maibé atu eduka ema, sai ema EDUKATIVO tanba ne'e husu ita bót sira atu bele aproveita didiak saida mak ita bót sira hetan hosi prisaun ne'e, ita bót sira fila ba sosiadade nian let bele implementa ita bót sira nian TALETA ne'ebé, ita bót sira hetan iha fatin ida ne'e.

Timor percisa ita bót sira nian kontribuisaun ba nasaun ida ne'e, esperansa tau iha ita bót sira nian fuan, prisaun laos fatin ne'ebé ikus ba ita bót sira nian moris, fatin ida ne'e fatin PARAGEM ho tempo badak ba ita bót sira.

Ministra Justisa fó enkoraje ba prisioneiro sira atu labele lako konfiasa ba moris, esperansa domin, hein katak ita bót sira sei HAKUAK ho ita bót sira nian familia hotu.

Ministra Justisa Dra. Maria Ângela Guterres Viegas Carrascalão fó mós agradesimentu bót ba NGO Caritas Australia, Ministériu Solidaridade Sosial, Sek.

Estadu Promoção Juvetude e Trabalho , ne'ebé fó apoiu serbisu hamutuk durante ne'e. DESEJO – LHES UM BOM NATAL de 2017 e FELIZ ANO NOVO de 2018. UM ABRAÇOS, depois DAHUR hamutuk ho prisioneiro.

Tuir mai almoso hamutuk ho prisioneiro sira. Ministra Justisa Dra. Maria Ângela Guterres Viegas Carrascalão, akompanha Ministra Solidaridade Sosial Dra. Florentina Smith, Sek.

Estadu Promoção Juvetude e Trabalho Dr. Nivio Magalhães sei tama e sai sela hodi hare besik kondições iha sela prisioneiros nian.

Depois de vizita ba sela prisioneiros, Ministra Justisa fila hikas mai Gabinete Ministra Justisa hodi kontinua serbisu.

Serimonia Natal hamutuk termina iha oras 15:14

Honorio Santos
Gabinete Ministra Justisa
Media Officer