Dili/GMJ , Governu dahituk, S.E. Ministra Justisa, Dra. Maria Ângela Carrascalão lidera reuniaun primeira fase konsellu konsultivu (KK), iha Gabinete Ministra Justisa,akompanha Vise Ministru Justisa Dr. Sebastiao Dias Ximenes, loron tersa feira 19 Desembru 2017.

Reuniaun ne'e tuir ajenda mak introduz hosi Diretór Jeral Ministériu Justisa Dr. Henrique de Oliveira Ximenes hanesan tuir mai ne'e :

Preparasaun ba avaliasaun atividade serbisu nian iha tinan 2017, programa Natal hamutuk no seluk – seluk tan


Ministra Justisa, orienta Diretór/a Nasional sira iha Ministériu Justisa, atu ezekuta orsamentu ne'ebé tinan 2017 ho rigor, no kúmpri prosedimentu LEGAIS. Esplika oituan kona-ba papel administrasaun hosi Gabinete Ministra Justisa nian no assuntu serbisu tuir evaluasaun no kbiit ba funsionáriu Ministériu Justisa nian, ba diresaun hotu-hotu atu serbisu hamutuk fó apoiu ba malu atividade iha Ministériu Justisa.

Tuir mai aprezentasaun progresu implementasaun atividades kada diresaun idak – idak, halo ezekusaun orsamentu Ministériu Justisa 2017, no assuntu diversu balun tan. Diskuti mós assuntu ne'ebé planeia hela hosi Ministériu Justisa kona-ba retiru ka avaliasaun atividade serbisu durante tinan 2017.

Hosi diresaun DNRN, Diretór Dr. João Fernando Martins Borges kestiona ba orsamentu PETTY CASH hosi registo konservatóriu Munisipiu sira. Diresaun DNSPRS Diretór Dr. Helder Belo husu apoiu orsamentu ba konbústivel hodi halao julgamento ba prisoneiro sira hanesan : Munisipiu Baucau, Suai, Ermera.

Iha reuniaun konsellu konsultivu ne'e ho resultadu hanesan tuir mai :

Festa Natal hamutuk sei realiza iha loron 29 Desembru 2017, oras 16 lokraik.

Retiru ka avaliasaun atividade 2017 no Planu Asaun Annual 2018, sei realiza iha Dili, segunda semana fulan janeiro 2018.

Reuniaun ne'e hahu hosi 15:12 to'o 17:46.