MINISTRA JUSTISA PERZIDE REUNIAUN ENTRE MINISTERIÁL IHA FATIN GABINETE MINISTRU TURISMO

Versão para impressão

Dili/Gabinete Ministru Turismo – Governu dahituk, S.E. Ministra Justisa Dra. Maria Ângela Carrascalão perzide reuniaun iha Gabinete Ministru Turismo, akompanha Vise Ministra Justisa Dr. Sebastião Dias Ximenes, Sec. do Estado Agricultura e Pescas Dr. Cipriano Doutel Sarmento, Vise Ministru da Agricultura e Pescas Eng. Deolindo da Silva, Vise Ministru do Turismo Dr. Rui Meneses, Vise Ministru Habilitação Ordenamento e Ambiente Arq. Abraão G. dos Santos Oliveira, Vise Ministru Comercio e Indústria Dr. Jacinto Gusmão, Ministru Turismo Manuel Vong, PhD, no Diretór DNTP Eng. Romão Guterres, loron segunda feira 18 Desembru 2017.
Iha reuniaun ne'e atu diskute kona-ba kontinuasaun hodi realize medida konkreta ba aprezentasaun relatóriu final Ekipa TASK FORCE ho nune'e bele foti desizaun ba konstrusaun MORU iha zona protegida DOLAK OAN. Primeiru Ekipa TASK FORCE sei halo levantamentu kona-ba autorizasaun no lisensiamentu kona-ba investimentu projetu previstu ba area ein kestaun nomós nia importansia kona-ba dezevolvimentu ba zona respetiva, no zona protegida seluk, halo atuasaun ba konstrusaun sira ne'ebé notifikadu.
Sua. Excia Ministra Justisa hatete ita fó nafatin notifikasaun ba entidades ka kompaia ne'ebé lakúmpri lei regras ne'ebé vigor, hodi harí konstrusaun MORU iha zona protegida DOLAK OAN, sei sira la foti medidas atu SOBU konstrusaun ne'e. Hosi governu tenke foti asaun lalais tuir lei konstituisaun RDTL ne'ebé mak "IHA". Sei governu la foti asaun lalais kleur tan kompaia sir abele harí konstrusaun saida deit iha zona ne'eba.
Ikus liu diside iha reuniaun ne'e atu prepara AKTA deliberasaun ne'e assina hosi Ministériu relevantes ne'ebé mai partisipa iha reuniaun ne'e, atu fó ba kompaia sira ne'ebé halo konstrusaun iha DOLAK OAN nomós ba teritória Timor laran tomak, labele harí konstrusaun iha zona protegida ka besik TASI IBUN.
Reuniaun ne'e hahu iha oras 14:12 to'o 17:12.

Honorio Santos
Gabinete Ministra Justisa
Media Officer