Ministra Justisa Partisipa Reuniaun Ho Ekipa Monitorizasaun No Avaliasaun Sistema Nasionál Kadastru

Versão para impressão

Dili,, SNC – Governu dahituk, Ministra Justisa S.E. Dra. Maria Ângela Carrascalão preside Reuniaun ho Ekipa Monitorizasaun no Avaliasaun Sistema Nasionál Kadastru (EMA-SNC), iha sala reuniaun SNC, Balide Dili, loron 6 – 11 – 2017.
Antes atu hahu reuniaun Ministra Justisa S.E. Dra. Maria Ângela Carrascalão halao inspesaun supreza ba iha diresaun SNC ida – idak hodi hare'e no hadia kestaun atendimentu públiku nian. Nune'e mós atu hare'e besik liutan serbisu SNC nian no rona rasik saida mak problema ba rai, hodi nune'e buka solusaun ba kestaun sira mak Sistema Nasionál Cadastru (SNC) hasoru. Ministra Justisa akompanha hosi Presidente konsórsiu Grupu Madia Nacionál Sr.Jorge Serano, Diretor Nasionál Terras e Propriadade e Servisu Cadastrais ( DNTPSC), Dr. Romão Guterres, ho Diretor Tékniku ARM-APPRIZE Dr. João Loução.
Reuniaun ne'e hodi rona aprezentasaun relatóriu tékniku no ezekusaun aktividade kadastru durante hahu hosi fulan abril 2014 to'o 2017 kana'ba finansiamentu tuir kronograma kontratu hosi Ministériu Justisa halo entre Konsórsiu Grupu Media Nacional (GMN), ho ARM-APPRIZE. Iha reuniaun ne'e mós rona rezultadu aprezentasaun tékniku SNC nian serbsi iha terenu no dezafiu sira ne'ebé serbisu kadastru hasoru. Limitasaun funsionáriu iha kampu, akontese konflitu rai entre komunidade sira iha fatin barak liu-liu hanesan iha Atauro, Oekusi, Manatutu etc. Alénde aprezenta dezafiu lubuk ida, Diretor Tékniku ARM-APPRIZE Dr. João Luoção hato'o rezultadu sosializasaun ne'ebé mak halo hosi tinan 2015 to'o fulan Outobru 2017, liu hosi enkontru ho autoridade local sira, enkontru ho komunidade sira, serimónia lansamentu SNC no mós enkontru sensiblizasaun ba líder local sira. Relasaun ho falta rekursu umanus, Ministra Justisa hateten ita sei esforsa hodi halo rekrumentu tan ba funsionariu sira ba hamutuk ho ekipa SNC nian, sei monta ba iha munisípiu sira, alénde atu aprende uzu téknolojia SNC, no reforsa serbisu kadastru nian iha futuru.
Ikus liu Ministra Justisa S.E. Dra. Maria Ângela Carrascalão fó apresia ba serbisu kadastru no enkorage ba funsionáriu sira atu serbisu diak-diak ho pasiensia hasoru komunidade, depois sei asina kontratu hosi Ministrériu Justisa halo entre Konsórsiu Grupu Media Nacional (GMN), ho ARM-APPRIZE. Reuniaun ne'e kuaze oras 4 nia laran, depois de lancha fahe malu.



Honório Santos
Gabinete Ministra Justisa
Media Officer