Ministra Justisa Lidera Sorumutu Ba Primeira Faze Ho Funsiunáriu Diresaun Nen iha Ministériu Justisa

Versão para impressão

Dili,MJ -Governu dahituk, S.E.Ministra Justisa Dra. Maria Ângela Carrascalão akompanha Vise Ministru Justisa, Inspetur Jeral, Diretor DNAF, halao sorumutu ho funsionáriu diresaun nen (6), iha salaun edifisiu foun, Ministériu Justisa Kai-koli, loron 27-10-2017.Iha sorumutu ne'e partisipa mos Diretores Nasionais, Xefe Departamentu, iha dirasaun nen (6).
Halao abertura,Intervensaun hosi Diretor DNAF,total funsionariu Ministériu Justisa hamutuk 1.010, kompostu hosi regime jeral : 436, regime especial 435, kontratadu sira 139 no kargu diresaun xefia: 103. Funsionariu sira ne'ebé okupa edifisiu foun ne'e hamutuk 181, kompostu hosi funsionariu permanente: 137 no funsionariu casuais hamutuk 39, Diretor DNAF hatete sei iha formasaun, kolokasaun ba orsamentu, pontualidade, rekrutamentu, equipamentu seguransa ba kada dirasaun prepara planu ou formasaun ba funsionariun e'ebé precisa.
Tuir mai intervensaun Ministra Justisa, Dra. Maria Ângela Carrascalão wainhira atu dezemvolve rai ida ne'e tenki servisu maka 'as no disiplina ho rigor, komfiansa, transparencia, ordem, servisu ho empenhamentu, unidos, igualdade. Prinsipiu legalidade, ita hamutuk bele halo servisu, hau mesak labele halao servisu ne'ebé barak, ita hotu hamutuk mak bele halo.Iha ulun rua bele hanoin ida diak ba dezemvolve funsionamentu ba justisa, (Ulun rua hanoin diak do ke ida).
Funsionariu entende ba estatutu Funsaun Públiku para hare obrigasões ba funsionariu sira hanesan, pontualidade atu nune iha mundansa mentalidade diak ba funsionariu sira hotu.Iha ne’e la hare ba kor no rasa, partido ne'ebe deit atu servisu hamuutuk, ita hamutuk halo servisu ba rai ida ne'e. Naran Ministériu Justisa, naran ida ema temi bebeik estadu de direitu, estadu de dereitu laos haríi iha Parlementu Nasional, maibe haríi mos iha Ministériu Justisa ne'e. Ministra Justisa akreseta bebeik kona ba servisu ho transparencia, hahu hosi hau to'o ba ita hotu.
Ikus liu husu no hatan.Sorumutu ne'e hodi hare besik desafiu oin-oin durante Ministériu ne’e hasoru. Sorumutu ne’e kuaze liu oras rua, hahu tuku 10 dader no termina iha tuku 12:18.

Honório Santos
Gabinete Ministra Justisa
Media Officer