Ministériu Justisa liu husi Diresaun Nasionál Terras Propriedades nó Servisu Cadastral sira (DNTPSC) no Diresaun Nasionál Direitus Humanus nó Cidadania nian (DNDHC) iha loron, Segun-da, 12 to’o loron 16 fulan-Setembru, 2011 hala’o Divul-gasaun lei rai nian iha Distritu sira, Manu-fahi no Suai.

Divulgasaun ne’ebé hala’o iha Betano ho Fatuberlihu, Distritu Manufahi ne’e, la’o ho di’ak no susesu maske hetan reasaun husi komunidade.

Iha divulgasaun lei rai nian ne’e, Ministra Justisa liu husi ninia intervensaun hateten, hahuu iha tinan 3 liu-ba Ministériu Justisa ko’alia de’it kona-ba problema rai iha nasaun Timór-Leste.

Nune’e haree problema barak kona-ba rai, mak hodi kria lei kona-ba rai, nune’e MJ hahuu hakerek lei rai nian iha tinan 3 liu-ba hodi oras ne’e halo aprezentasaun iha Parlamentu Nasionál (PN). Iha fulan-Outubru Ministériu Justisa sei diskuti de’it problema rai ho membru Parlamentu Nasionál sira, nune’e hotu-hotu tenki partisipa hodi deskute lei ne’ebé iha, tenik Ministra.

Kona-ba rai ne’ebé komunidade sira husi suku Betano Distritu Manu-fahi entrega ba Estadu ho nia luan hektár 4, hodi uza ba sentru óliu pezadu iha distritu refere, Ministra hateten : “…Governu sei la hadau komunidade sira nia rai, maibe komunidade mós tenki identifika rai kultura no rai komunidade nian mak nee’ebé”.

Nune’e kona-ba rai ne’ebé Governu entrega ba Kompañia Tinulina hodi halo kontrusaun ba fatin óliu pezadu iha Suku Betano ne’e Ministra hateten, fatin ne’ebé Governu entrega ba kompañia atu halo sentru ólu pezadu nian. Fatin ne’e nia sei la uza atu halo otél, bainhira nia utiliza fatin ne’e hodi halo otél, ne’e mós nia sei koordena hamutuk ho komunidade no Estadu. Nune’e fatin ne’eb’e nia utiliza bele fó benefisiu ba komunidade.

Programa divulgasuan lei rai nian ne’ebé ho nia tema Programa divulgasaun Dekretu-Lei no. 27/2011, regularizasaun ba titularidade de bens imóveis iha kazu sira la disputa no implementasaun rejime jurídiku ba bens imóveis nian, Lei no. 1/2003, Lei no.12/2005 no Dekretu-lei 19/2004 no implementasaun projetu boot sira iha kosta sul ne’e rasik, hetan partisipasaun husi Sekretariu Estadu Meiu Ambiente, Sekretariu Estadu Rekursus Naturais no reprezentante Sekretariu Estadu Água e Eletrisidade.

“Rai ne’ebé ami entrega ba Govenu ho nia luan hektar haat (4) de’it, nusa mak kompañia loke luan tan to’o hektár sanuluresin-neen (16), ami bele entrega maibé Governu mós tenki esplika klaru mai ami kona-ba fatin ne’e atu uza ba halo saida, keta halo ikus mai kompañia mak uza fali hodi halo nia atividade privadu.“ tenik komunidade.”

Hatan ba kestaun ne’e Ministra hateten : “… rai nia luan konforme ema tékniku sira, se sira hakarak nia luan hectares 16 entaun governu mós tenki halo tuir, maibe se karik komunidade nia ai-horis ruma ka uma ruma mak tama iha laran Governu mós sei la taka matan. “ dehan Lúcia.

Ba komunidade sira iha Fatuberlihu ho Suai, Ministra reforsa mós katak, iha futuru mai TL, liu-liu iha parte súl ne’e sei hetan benefisiu ne’ebé boot, tamba emprezáriu boot sira mak sei tama iha ne’e, nune’e sira mós sei presiza rai.

Ananias Babo Horta
Media Officer