MJ Partisipa Iha Aprezentasaun Rejultadu Auditoria ba DNTP
Dili-Ministru Justica, Dionisio Babo partisipa hodi hare direitamentu aprezentasaun rejultadu inspensaun auditoria ba Direasun Nasional Terras, Propriedades e de Serviço Cadastrais (DNTPC) nia servisu durante neé,aprezenta rejultadu auditoria neé aprezenta husi Gabinete Inspensaun Auditoria (GIA) iha edifisiu DNTPC Bebora Dili Sesta Feira (12/07).Hafoin aprezenta Rejultadu inspensaun Auditoria neé Ministru Justica,Dionisio Babo iha intervensaun hateten katak worshop ida ohin loron inporntante tebes ba Direitur no funsionariu sira hotu atu bele akompania didiak aprezentsaun neé hodi indentifika no diskuti problema saida mak durante neé ita boót sira infrenta.
“Rejulta Aprzentasaun inspensaun no auditoria GIA ba DNTPC laos atu hatudu deit ita boót sira nia farakeja maibe atu hatudu mos ita boót sira nia progresu servisu durante neé, e mos atu diskuti mos dezafiu saida mak mak durante neé ita boót sira infrenta”dehan Ministsru Justica, Dionisio Babo.
MJ mos informa tan iha tinan 2014 Diresaun Nasional Terras, Propriedades e de Serviço Cadastrais (DNTPC) sei hasoru servsiu neébe todan tebes liu-liu iha Distritu relasional ho delegasaun Munisipiu neébe sei estabelese kada distritu, tamba neé agora dadaun ejiji ita hotu atu servisu makas liu tan hodi indentifika ita nia frakeza no problema saida mak durante neé ita hasoru.
“ho worshop ida ohin atu halibur malu liu-liu ba Direitur sira ho funsionariu tekniku sira atu bele diskuti ona dezafiu neébe durante neé ita boót sira hasoru, worshop ida neé laos atu para deit ba Diresaun ida neé maibe atu kontinua nafatin ba Diresaun sira seluk hodi update malu liu-liu atu bele tau hamotuk hanoin hodi diskuti dezafiu sira neé”Dehan MJ.
Iha fatin seluk Direitur Nasional Terras, Propriedades e de Serviço Cadastrais (DNTPC) Romaö Guterres informa mos katak worshop ida ohin atu fo sai rejultadu auditoria ambito inspensaun ba Diresaun Nasional Terras e Propridade nia servisu durante neé neébe halaó husi Gabinete Inspensaun Auditoria (GIA),hodi hatudu dalan neébe los hudi lao tuir regras neébe ita iha.
