Dili-Tribunal Distritral Dili (TDD) halo Julgamentu ba kazu pagamentu taxa neébe durante neé kompania Conoco Philips la selu no hatama relatoriu neé lalos ba estadu Timor Leste kona ba rendementu annual iha tinan 2009, iha Segunda (18/03) haláo primeiru julgamentu ba kazu Conoco Philips halo hasoru estadu Timor Leste neébe rejista iha Tribunal ho numeru prosesu 39/civil/2012/TDD.

Monica Rangel sai hanesan Sasin ba Estadu Timor Leste iha Tribunal hateten rekonhese duni kompania hatama relatoriu rendimentu annual lalos tamba neé estadu Timor Leste disidi hodi hasai liquidasaun ba kompania Conoco Philips.

Monica Rangel asumi kanar hanesan Diretora Nasional Reseitas iha Ministeriu Finansas liu husi nia deklarasaun hateten problema entre kompania neébe durante neé halo esplorasaun ba mina iha tasi Timor akontese iha tinan 2009 tamba neé estadu Timor Leste tenta kontaktu atu kria inkontru ida hodi husu ba kompania atu aprezenta relatoriu rendimentu annual ba estadu maibe sira la halo tuir.

Iha audensia julgamentu neé Ministru Justisa, Dionisio Babo tun dereitamente hodi akompania prosesu julgamentu neé , tuir Ministru Justisa Dionisio Babo katak” prosesu julgamentu ba kazu neé boót tebes tamba iha implikasaun ba orsamentu neébe boót ba parte rua kompania ho Estadu Timor Leste”Tenik MJ.

Audensia julgamentu neé lidera husi juiz koletivu Paulo Texeira, Ana Paula Fonseca, Antonio Helder do Carmo, Estadu Timor Leste hetan apoiu husi Prokurador Internasional Gloria Alves,Advogado Internasional husi America Patrieck Benedet,Patricio Godinho Silva,no Frederico Fereira alende neé parte kompania ConocoPhilips ho nia parseria Tokyo Timor Sea,hetan defeza husi Advogadu internasional Rui Botika Santos no Luis Moreira Cortes.