Ermera-Ministru Justisa Dionisio Babo Soares Partisipa iha serimonia graduasaun no intrega sertifikadu ba estudante East Timor Coffee Institute (ETCI) neébe realize iha Loron Sabadu (15/12) iha Instituisaun ETCI Rua Gleno,Distritu Ermera.

Prezidente Fundasaun ETCI Leki Sera iha nian diskursu hateten katak ohin loron Distritu Ermera marka tan historia foun iha Distritu ida neé, maske Fundasaun ida neé hamrik iha 2003 hasoru difikuldade barak maibe hanesan Timor oan i mos hanesan Ermera oan esforsu aán nafatin hodi kontinua servisu hamutuk ho fundador sira hodi lori Instituisaun ida neé toó ohin loron hodi halo graduasaun.

“ETCI hanesan Instituisaun Ensinu Superior ida neébe hamrik iha rai Ermera iha 2003 maske iha tempu neéba hasoru difikuldade barak maibe hau (Leki Sera) hamutuk ho Fundador sira esforsu aán nafatin hodi kontinua lao nafatin toó ohin loron halo graduasaun fatin ida neé”Dehan Prezidente Fundasaun ETCI Leki Sera iha Serimonia graduasaun ETCI iha Distritu Ermera, Sabadu (15/12).

Prezidente neé mos informa tan katak fo parabens ba Doadores sira hanesan Embaixador Amerika,liu husi Ajensi USAID, no sira seluk neébe durante neé fo apoiu makas ba Instituisaun ida neé iha tempu difisil nian laran toó ohin loron hetan graduasaun.

Iha fatin hanesan mos Reitor East Timor Coffee Institute Lucio Marcal Gomes hateten katak East Timor Coffee Institute (ETCI) halo ona graduasaun ba dala rua ona hodi kontribui ba Dezenvolvimentu Nasional iha pais ida neé, “Husu ba Graduantes sira hotu ne’ebe ohin loron simu ona sertifikadu husi Eskola Superior ida neé atu bele inplementa imi nian matenek neébe durante neé imi hetan hodi ajuda komunidade sira no povu Timor Leste hodi dezenvolve rai ida neé tamba Timor Leste presija hela imi nian tulun”Dehan Reitor Lucio Marcal Gomes iha Serimonia graduasaun ETCI iha Ermera Gleno Sabadu (15/12).

Iha serimonia graduasaun neé partisipa husi Ermera oan neébe agora sai hanesan Membru V Governu Kosntitusional hanesan Ministru Justisa Dionisio Babo Soares,Sekretariu Estadu Meiu Ambiente Nominandu Buras,Deputadu Eduardo Bareto (Dusae) eis Vise Ministra Finansa Rui Hanjam no Ministru Edukasaun Bendito Freitas.