Harí Nunsiatura Iha TL Governu Entrega Rai Ba Vatikano

GOVERNU liu hosi Ministeriu Justisa iha tempu badak sei assina kontratu de arrendamentu hodi entrega rai ho luan besik hectares ne’en (6 HA) iha area tasi tolu besik estatua papa Joao Paulo II.Tuir diskusaun ba preparasaun atu assina kontratu de arrendamentu entre Governu ho Igreja ne’e, Lúcia Lobato iha eknotru ba Amu Bispo Tersa, (24/8) iha Gabinete Ministra Justisa nian hateten, parte governu liu-liu ministeriu justisa sei prepara dokumentos kontratu nian ne’ebé la sés hosi Dioseze Mailana nian hodi fob a Vatikanu ho durasaun tinan 99 no igreja sei seilu ba governu ho montante US$1,00 kada tinan. Iha enkontru ne’ebé governu liu hosi Ministeriu Justisa (MJ) intrega rai ba igreja liu husi Bispo Dioseje Dili, Dom. Alberto Ricardo no reprezentante Vatikanu iha Timor Leste (TL), Mgr. Jose Leite Nugeira, hodi harí Embasada vatikanu iha TL.

“Hau hanoin importante tebes Governu fo atensaun ba asuntu ne’e, tanba ita hotu hatene katak, vatikanu importante ba TL, néduni TL mos tenki iha fatin espesial ida ba vatikanu. Buat ida orguillu bo’ot ba ita.” dehan Lobato.

Iha enkontru entre parte governu liu husi Ministra Justisa Lucia Maria Brandao Lobato, Ministru Negosiu Estranjeriu, Zacarias da Costa no husi parte igreja Bispu Dioseze Dili Mgr. Alberto Ricardo no representante vatikanu mai Timor Leste Mgr.Jose Nugeira.

Ne’e hanesan Pasu importante ba nasaun TL, tamba harí ona reprejentante vatikanu ne’ebé permanente iha Timor, néduni governu prontu intrega rai ba vatikanu atu harí Nunsiatura. Relasiona ho rai ne’ebe intrega ba vatikanu iha tasi tolu, ho luan besik 6 hektares.

Iha parte seluk, Bispu Dioseze Dili Mgr. Alberto Ricardo hateten Governu intrega ona rai ba igreja atu hari’i nunciatura iha Timor, ne’e hanesan ba dala uluk.

“Uluk ita depende nunciatura iha jakarta, maibe agora ita mos Nasaun ida, no bele hari’I ona nunciatura mesak, iha Nasaun Timor Leste,” dehan Dom. Alberto.

Nia hatutan, maske rai intrega ona husi governu, maibe seidauk hatene bainhira maka obra husi Governu bele halo.*



Ananias Babo Horta
Media Officer