GOVERNU liu hosi Ministeriu Justisa, Sesta, (4/6) liubá kria konsulta públiku ne’ebé halao iha sala reuniaun Ministeiri Negosiu Estranjeiru ho tema Konsultsaun ba Proposta Lei Apoiu Judisiáriu ne’e hodi buka hakbi’it povu kbi’it laek sira iha area justisa.

Diskusaun ba konsultasaun proposta lei rejime juridiku ba apoiu judisiariu ne’e ho nia kapítulu lima (5) no artigu hat nulu resin lima (45) ne’e Ministra Justisa, Lúcia Lobato hateten, nia parte halao esforsu maka’as atu establesze lei refere hodi fo apoiu judisiariu ba komunidade kbi’it laeik sira.

Tuir ministra draft lei rejime urídiku ba apoiu judisiariu ne’e halao konslultasaun durante tinan ida hodi bele akomula hodi ideia no perfetiva sosiedade nian hodi bele harí estado direitu ida garantia ba sidadaun hotu ne’ebé la iha finansiamentu atu bele hetan asistensia hosi tribunal.

Iha lei ne’e fo implikasaun atu hakaman povu kbi’it laek ba protesaun justisa, hansan la selu taxa no governu bele fo asistensia ekonomikamente ba povu sira ne’ebé buka justisa mas la iha kbi’it.

Wainhira la iha lei ida, governu la hasai nia orsamentu hodi gasta ba sidadaun ne’ebé la iha kbi’it financial atu selu defensor ou advogadu atu hetan justisa iha tribunal.

Lei ne’ebé konkorda ona hosi Parlamentu nasional atu aprova ne’e importante tebes atu ema hotu bele hetan justisa ne’ebé hanesan.

Lori governu nia naran MJ hato’o ninia agradesementu ba USAID ho Asia Foundation, tuir konstituisaun ema hotu iha direitu atu hetan justisa husi tribunal.

Defensoria Públiku tuir Ministra, hetan kbi’it bo’ot, sira hanesan instituisaun ne’ebé fo asistensia ba sidadaun sira ne’ebé la iha kbi’it atu hetan justisa.

Iha konsultasaun ne’ebé halao durante loron ida ne’e Ministra Realsa liu tan katak, defensoria públiku simu kbi’it bo’ot atu fo asistensia judisiariu ba populasaun tomak iha Timor Leste hodi bele koinese sira nia direitu ho sira nia knar.

Tuir ministra oras ne’e Timor Leste iha tribunal hát (4) sidadaun sira susar atu to’o iha ne’ebá hodi hetan justisa ne’ebé hanesan ho sidadaun sira seluk. Ne’e mak hanesan kestaun tekniku ne’ebé timor oan sira hasoru.

Haree ba inportansia lei rejime juridiku ne’e, ministra hateten, molok tinan ne’e remata tenki entrega ona ba Parlamentu Nasional (PN) atu bele deskuti hodi hetan aprovasaun. Nune’e tinan ne’e tenki remata diskusaun nune’e iha 2011 bele hetan aprovasaun iha PN. Tenik Ministra.*

Ananias Babo Horta
Media Officer Gabinete Ministra Justisa