Ministériu da Justisa koopera ho Nasoes Unidas liu husi UNICEF Timor Leste, halao workshop loron ida konaba Orientasaun Konvensaun Direitu Labarik [KDL] ba ofisial governantes no pratikante media iha Distritu Ermera, 15 julhu 2009.

Workshop KDL neébe ho tema ,"Orientasaun KDL ba governantes, pratikante media, Juventude, Instituisaun Relijiozas no ONG." Neé ho nia objektivu Habelar no Promove KDL iha servisu fatin no Komunidade tuir knar no Responsabilidade.

Nudar orador ba programa neé Sra. Meriam Chefa koordenadora ba treinamento KDL husi UNICEF, Sr. Antonio Gomes, Communication Ofiser, Sr. Dominigus Monemnasi,(Senior Programme Communication Asistant UNICEF)hato’o Refleksaun kona ba labarik, no Sr. Helder Godinho Martins,Tekniku Proficional Direitus Humanus Ministeriu Justisa,hatoó kona ba Konvensaun Direito Labarik no ikus liu atu kompleta aktividades neé, halo diskusaun no halo plano ba aktividades 20 de Novembru 2009 konaba Orientasaun, Dezeminasaun, Informasaun no selebrasaun loron spesial kona ba Konvensaun Direitu Labarik nian.

Partisipantes ba workshop neé mai husi Administrador Sub-Distritus, Chefis Departementu Distritais representante Polisia Nasional Timor , Leste, Distriru Ermera, Media, Instituisaun Relijioza, reprenzentante Rede Protesaun Labarik (MSS) representante Juventude Distritu Ermera representante ONG Nacional no Internacional hamutuk partisipantes nain 50 resin.

Tuir planu Ministeriu Justisa no UNICEF, Orentasaun KDL nebé halao ba dala ikus liu mak iha Distritu Ermera, tuir planu nebe realize tiha ona durante tinan kotuk 2008 iha Distritu lima hanesan, Aileu,Viqueque,Ermera,Manatuto,Oecusse.(AVEMO)

DNDHC.