Dili-Ministru Justica,Dionisio Babo ho Vice Ministru Ivo Valente Konvoka reiniaun ho membru reforma Judisiariu nian iha Timor Leste hodi tau hamotuk hanoin no ideias hudi diskuti kona ba prosesu justica nia iha Timor Leste liu-liu kona ba preparasaun ba draf lei Judisiariu nian neébe sei implementa iha Timor Leste iha futuru oin mai ,reiniaun neé haláo iha Sala Reiniaun Ministeriu Justica Caicoli,Dili Kuarta Feira (14/08)
Iha Reiniaun neé Ministru Justica,Dionisio Babo informa ba membru reforma Judisiariu sira katak Reiniaun ida ohin inportante tebes hodi analiza klean liu tan kona ba seitor Justica iha Timor Leste maibe inportante mak ita tenke difini justica no promove seitor justica nia iha ita nia paiz ida neé.
“Iha primeiru reiniaun Konselhu Kordenasaun ba seitor Justica nian hamotuk ho Dr Claudio Ximenes,Eis Procuradoria da Republika Ana Pessoa Pinto mos ami koalia ona maibe sei dauk kria ekipa ida no ohin ita atu formaliza ekipa ida neé tenke involve hotu intidade hotu hanesan Defenosria Publiku,Tribunal Rekursu,Ministeriu Publiku,Tribunal Distrital e Ministeriu Justica Liu husi Diresaun Nasional Assessoria Jurídica e Legislação (DNAJL) sai hanesan sekretariadu atu bele fasilita iha ekipa de trabalhu ida neé”Dehan Ministru Justica,Dionisio Babo
Prezidente Konselhu Superior Defensoria Publiku neé mos informa tan katak hafoin ita prepara hotu tea esbosu (naska) ida neé ita sei organiza worshop ida atu bele involve entidade sira hotu hodi hatudu ba sira katak lei judicial iha Timor Leste mak neé

Eis Komisariu CVA neé mos salienta tan katak Ita atu prepra planu jeral seitor justica nia tenke faze por faze tamba ita hotu hatene katak ita nia rekursu ba seitor justica sei limitadu maibe iha futuru ita sei grantia tamba Ministeriu Justica liu husi Centru Formasaun Juridico (CFJ) mos prepra hela Majestradu sira atu bele prense ona hodi hatudu ba povu katak sistema judisiariu iha Timor Leste mak neé.
“inportante ba ekipa ida neé mak ita hotu tenke difini lolos Strutura no ita nia papel inportante mak ita nia hanoin kona ba judisiariu iha Timor Leste hodi kria sai hanesan livru ida atu bele hatudu ba ita nia jerasaun foun sira katak judisiariu iha Timor Leste mak neé” dehan Eis Komisariu CVA
Iha fatin seluk Prezidente Tribunal Distrital Dili Duarte Tilman hateten katak reiniaun ida ohin inportante tebes ba ita hotu neébe hola parte iha seitor Justica nian tamba foin mak atu halo hodi hatudu ba ita nia povu katak lalaos seitor Justica nia mak neé,maibe ita mos tenke rekonhese mos ita nia frakeza neébe ita sei iha tamba ita nian rekursu umanu sei limitadu ita tenke lao tuir kondisaun real ne’ebe ita iha.
Iha Fatin seluk Arjuntu Procurador da Republika Zelia Trindade mos informa katak dala barak ema la dun hatene no komprende saida mak Tribunal tanba neé ita presija duni atu bele estabelese orgaun judisiariu ida iha ita nia paiz ida neé.
Iha fatin hanesan mos Defensoria Publiku Jeral Sergio Hornai informa mos katak Inisiativa husi Ministsru Justica,ho Vice Minsitru neé diak tebes tamba ita agora iha Tribunal Distsrital,ita sei dauk iha Tribunal Supremu Justica,ho inisiativa husi MJ,ho VMJ ita bele forma organizasaun judisiariu neébe inportante tebes ba povu bele hetan konfiansa husi povu liu husi direita ou indireita.