Dili-Relasiona ho estabelesementu munisipiu kada Distritu Segunda feira (09/07) neé Primeiru Ministru halo diskusaun ho Membru Governu tomak hodi aprezenta planu no programa kada Ministeriu molok estabelese Munisipiu kada Distritu.
Tuir Ministru Justica, Dionisio Babo iha aprezentasaun hateten katak Ministeriu Justica nia servisu kompetensia ba servisu sei konsentra hamotuk ho karakter seitor justica nia mak hanesan Ministeriu Publiku, Defensoria Publiku,Tribunal,e Ministeriu Justica iha Diresaun balun neébe agora dadaun balun iha ona nia delegasaun iha Distritu.

“Bainhira estabelese ona kamara munisipiu iha Distritu Setor Justica nia hanesan Ministeriu Publiku, Tribunal, e Ministeriu Justica mos iha nia derasaun balun neébe agora dadaun iha ona nia delegasaun iha distritu 13 hanesan Diresaun Nasional Registo e Notariado (DNRN), Diresaun Nasional Serviços Prisionais e de Reinserção Social (DNSPRS), Diresaun Nasional Terras, Propriedades e de Serviço Cadastrai (DNTP)”Dehan Ministru Justica,Dionisio Babo.

MJ mos informa tan katak Diresaun neébe agora dadau sei konsentra hamotuk iha nasional mak hanesan Defensoria Publiku,DNAJL, DNDHCR,CFJ maibe iha futuru Diresaun balun mos presija atu halo delegasaun kada Distritu Liu-liu Defensoria Publiku tamba papel defensoria publiku importante tebes oinsa atu bele fo asistensia legal ba ita nia povu sira.