PRIMEIRU Ministru (PM) ho Ministra da Justisa (MJ) Sesta (6/6) loron hirak liu ba hala’o lansamentu ba modelu passaporte foun.

Lansamentu ne’e rasik hahú ho koa pita ne’ebé derize hosi PM Xanana Gusmao, Ministra da Justisa, Lúcia Maria Brandão Freitas Lobato, Vice Prezidente Parlamentu Nasionál Vecente Guterres, Vice Ministra Finansas, Rui Hanzam, Adjuntu Komandante Jeral PNTL, Afonso de Jesus, Reprezentante Komandante F-FDTL inklui mos diretores tomak ne’ebé iha MJ.

Remata ko’a pita, Vice Prezidente PN, Prezidente tribunal Recurso,Adjunto Komandante PNTL no Reprezentante Komandante F-FDTL simbolikamente hetan mos modellu ba passaporte foun.

Liu hosi deskursu Ministra Justisa, Lúcia Lobato hateten, Ministeru Justisa hahú hakat tan passu ida ba oin tanba ita komesa ho sistema no modellu passaporte ne’ebé foun.

“DNRN hanesan diresaun ida ne’ebé governu tenki fo nia atesaun maximu.Tanba durante ne’e ita iha modellu passaprte ida ne’ebé nia kualidade ‘zero’ no seguransa ba ema ne’ebé uza passaporte mos ‘zero’. Maibe hahú ohin ba oin bele dehan ita iha modellu passaporte ne’ebé nia kualidade diak tuir ejijensia komunidade internasionál.” Dehan Ministra Justisa.

Iha seremonia refere MJ salienta liu tan katak, governu sei esforsu atu iha tinan sira tuir mai komunidade sira iha disteritu mos bele iha ona assesu ba passaporte nune’e sira la presiza atu to’o mai Dili.

Nia esklarese mos katak, hahú ohin ba oin, komunidade sira hosi distritu Oe-cusse la presiza mai Dili hodi invia sira nia passaporte tanba sistema hanesan hala’o ona iha distritu refere.

Iha fatin hanesan Primeiru Ministru José Alexandre Kay Rala Xanana Gusmao hateten, agora passu ida tan mak Ministeriu justisa halo.

PM Xanana mos husu ba Ministeriu Justisa atu servisu ne’bé hosi DNRN halo tenki to’o mos ba distritu nune’e komunidade sira iha fatin refere bele hetan mos assesu ne’ebé hanesan ho ema sira ne’ebé iha Dili.

Hanesan Diretór Diresaun Nasionál Rejistu no Notariadu (DNRN) Henrique de Oliveira Ximenes hateten, IV Governu Konstitusionál mak hahú muda sistema passaporte hanesan hosi sistema ne’ebé bai-bain muda hikas ba sistema dijitál.

“Hau bele dehan katak, ohin ba dala tolu Ministeriu da Justisa liu hosi DNRN muda tan modellu passaporte tuir sistema ne’ebé komunidadeiha nasaun ne’e ejije,” dehan Henrique.

Modellu passaorte refere ne’eb’e ho nia mahar 48 pajinas ne’e nia pagamentu sei la hanesan ho uluk. Tantu uluk iha US$20,00 ba ba loton rua nulu agora aumenta ba US$30,00 ho nia loron sanulu. Nune’e mos ida ne’ebé uluk ho nia folin US$30,00 agora aumenta ba US$45,00 ba loron tolu, no passaporte Urjenti uluk ho nia folin US$60,00 agora aumenta ba US$65.00, Henriqe hateten.

Ananias Babo Horta

Media Officer Gabinete Ministra da Justiça