Dili, Vise Ministru Justisa Ivo Valente lidera reuniaun semanal iha edificio central Ministeriu Justisa, loron 26 – 06 – 2013. Reuniaun ne partisipa husi Director Geral, Directores Nasionais no Chefe Departementu balun, Ministeriu Justisa nian.
Agenda reuniaun :
1). Planu Acção Anual 2014 (PAA)
2). Planu Orsamentu Ano Fiscal 2014 ( ba kategoria Capital Menor/Dezenvolvimento)
3). Diversos

Iha sesaun abertura, Vise MJ sublinha katak Pakote fiskal ba orsamentu ho kategoria Salario e Vensimentu no Bens de servico ba tinan 2014, Ministerio financas entrega ona mai MJ ho total 7.901 ( milhoes). Informa geralmente situasaun ezekusaun orsamento MJ iha tinan kotuk no tinan korente ( 2013), nebe atingi prosentagem total too fulan Junho 2013 hamutuk 22%, bolu atensaun ba Diresaun sira konaba regras e prosesu ezekusaun tuir kalendario, labele hein too fulan desembro foin ezekuta. Husu mos ba dirigentes sira atu iha balansu ba ezekusaun orsamentu iha kada dirasaun atu labele ultrapasa limites nebe apropriadu ba dirasaun sira,katak iha tinan 2014 sei laiha rekrutamentus foun ba Funsionarius Publiku iha Ministeriu Justisa.

Liu tiha intervensaun VMJ, fo oportunidade ba kada Directores atu apresenta sira nia servisus. Husi dirasaun prisao hatóo sira nian planu ba 2014, Dr. Helder Belo, Halo linha koordenasaun servisu husi DNSPRS ba DNAF, MJ hodi prepara konaba prienchementu Fixa Mapa Pessoal 2014, (Mapa Pessoal Rejime Jeral nian ba Ministeriu. Baseia ba DL no 20/2011 (Primeiru alterasaun ba DL 27/2008, Rejime Karreira no Kargu Xefia Administrasaun) etc.

Ikus liu kada dirasaun apresenta sira nian atividade durante semana 2 kotuk sira halao noo informa ba konsullu konaba planu de atividade semana ba oin. Vise MJ husu ba kada dirigente atu laos deit relata sira nia atividade, maibe share / ka fahe experiencias ba malu, oinsa resolve desafius, barreiras, obstakulos nebe sira konsege resolve hodi dirigentes sira iha dirasaun seluk mos bele aprende métodos solusaun nebe adequado ba kada problema, atu dirigentes sira fahe mos experiencias ba malu.

Reuniaun ne halao husi tuku 14 : 45 tó o 18 : 00