Aileu, Vise Ministru Justisa, Ivo Valente, iha loron 2 Maio 5 hamutuk ho Chefe Gabinete VMJ Sr. Julio Tilman, halao vizita servisu ba iha distritu Aileu hodi hare besik servisu iha dirasaun 2 (Registo Sivil noo Terras e Propriedades), vizita ida ne, ho objectivu : hatoo informasaun ba Funsionarios Publiko iha Distrito refere. Kona – ba implementasaun Politika Nasional hodi implementa Planu assaun annual MJ nian, nune mos konsidera hanoin ruma ba preparasaun Distrital hodi transforma ba Municipio iha tinan balun mai. Informa lalaok servisu iha nivel Nasional, no hare besik difikuldades ka identifika desafius, Funsionarius Ministeriu Justisa hasoru iha terrenu. Oinsa planu servisu administrativos liu – liu mekanismu no regras ba ezekusaun orsamentu ba dirasaun rua iha distritu ne (linha Internet, koordenasaun administrativus entre distritu e dirasaun central).

Hahu tuku 10:05, ho intervensaun VMJ Ivo Valente nebe atende funsionarius husi dirasaun 2 hamutuk 21, funsionarius 4 husi dirasaun Rigisto Sivil Director Sr. Joao Fernando Martins, (Funsionarius 4 Permanente), husi dirasaun Terras e Propriedades Director Sr. Gaspar Benevides iha funsionarius 17 (Funsionarius 7 Permanente, Funsionarius 10 Casuais).

Informa ba sira kona – ba assuntos administrativus, oinsa ezekuta orsamentu nebe aloka ba dirasaun ida - ida iha distritu ho supervisaun no kontrolu ida nebe diak, husu ba administrasaun atu komprende no konhese diak regras ba ezekusaun, liu – liu ba orsamentu Pety Cash noo imprest fund, nebe sei aloka ba distritu ida ne. Vise Ministru Justisa Ivo Valente husu ba funsionarius dirasaun 2 ne atu servisu ho disiplina nafatin atu alkansa objectivu ho percisa nafatin servisu ho esperitu atu servi ita nia povu, liu – liu assuntos espesifikus hanesan mediasaun ba resolusaun disputas ba rai. Desafius nebe iha dirasaun 2 ne infenta maka, falta de transportes, ekipamentos servisu balun Kumputador, Printer.

Iha loron 3 de Maio de 2013, Vise Ministru Justisa, Ivo Valente hamutuk ho Chefe Gabinete VMJ Sr. Julio Tilman, halao sorumutu ho komunidade Ainaro tuir programa DNRN kona – ba Lansamentu mobilizasaun / kampanha registo ba moris labarik idade 0 -5 .