Ministério Justisa sei halao Seminar ba Planu Estratejiku ba Seitór Justisa

Ministra da justiça

REPÚBLICA DEMOCRÁTICA DE TIMOR-LESTE

MINISTÉRIO DA JUSTIÇA

Gabinete da Ministra

DILI - Atu alkansa Servisu Justisa nian, Ministeriu Justisa halao Seminar kona ba planu estratejiku ba Seitór Justisa durante loron rua iha Salaun Konferensia Ministerio dos Negocios Estrangeiros e Cooperasaun Pantai Kelapa Dili.Seminar refere sei halao durante loron rua ne'ebé sei hahú iha 16 de Abril to'o 17 de Abril 2009, Iha Seminar ne'e mós sei koalia liu kona-ba instituisaun sira husi seitór justisa atu hahú prosesu dezenvolvimentu planu estratéjiku husi seitór justisa.

Nune'e sei koalia mos kona ba prosesu ne'ebé proposta ba planeamenntu seitór nian no fo informasaun balun kona-ba papél husi autór sosial oin-oin no mekanizmu ne'ebé involvidu iha dezenvolvimentu iha planu seitór nian.Planeamentu ba seitór mak prosesu hodi dezenvolve no implementa planu ba seitor. Objetivu hosi planu setór mak aumenta efetividade husi instituisaun sira iha seitor kona-ba haktuir sira nia mandatu no hala'o dezenvolvimentu ba instituisaun sira hodi sira bele haktuir vizaun no valór hosi seitor.

Planu ne'ebé diak hanesan ferramenta (instrumentu-red) hodi aumenta efetividade hosi instituisaun tanba fo dalan ba sekuensiasaun estratéjika no ba alokasaun rekursus nian, kalendarizasaun no komprensaun kona-ba oinsa instituisaun sira koopera iha sistema nia laran.

Nune'e mos presiza baze koñesementu komún kona-ba situasaun agora nian hodi bele fo benefísiu ba koordenasaun entre instituisaun sira hodi garante katak, planu implementa duni ho diak, parte importante hosi prosesu planeamentu mak sistema monitorizasaun dezempeñu ne'ebé fo dalan ba instituisaun sira hodi mede nia progresu no halo revizaun ba planu bainhira.Nune'e seminar ne'e mos sei deskuti kona ba importansia hosi koordenasaun entre instituisaun sira ita bele haree bainhira ita konsidera katak instituisaun sira mesak labele haktuir funsaun ida ne'e mesak.

Ne'e mak hanesan, polisia sira ne'ebé kaer kriminozu labele fo justisa ba vitima se la iha servisu akuzasaun, ka defensor no tribunal hodi halao julgamentu ba kazu. Hanesan atór sira ne'e hotu bele bele halao deit sira nia servisu tuir lei no limite hosi sira nia podér individual hanesan hakerek iha konstituisaun Timor-Leste nian.

Iha parte seluk sustentabilidade mos sai hanesan benifisiu sustentavel husi investimentu ne'ebé halo iha prosesu planeamntu presiza komitmentu kontinual husi autores relevantes.

Dezenvolviementu husi planu estratéjiku mak prosesu husi instituisaun sira prinsipál husi setór justisa, hanesan Ministerio Justisa, Prokuradoria no tribunal sira. Prosesu planeamentu ba setor sei halao hosi mekanizmu oin-oin inklui mós enkontru sira ho konsellu koordenasaun, workshop planemantu nian ne'ebé organiza husi konsellu koordenasaun no involve partes intressantes hotu hosi setor no grupo servisu sira.



Kinta-feira, 16 de Abril de 2009
Por Ananias Babo Horta