Dili-Iha fulan Abril tinan ida neé Ministru Justica sei aprezenta lei rai nia ba Konselhu Ministru hodi aprova molok atu submete ba Parlamentu Nasional,Ministru Justica informa lia hira neé iha Gabinete Minsitru Justica Caicoli Dili Kuinta (18/04) Tuir Ministru Justica,Dionisio Babo hateten katak banhira hau (MJ) simu knar hanesan Ministru Justica halaó tuir prinsipi governun nia mak hanesan Hadia,Hametin no Hatutan (H3) tamba neé ami hatutan halaó konsultasau publiku ba lei rai nia neébe uluk
Prezidente Veto ona no agora mos Ministeriu Justica iha politika foun ida atu bele konsulta tan lei rai nia liu husi meius oin-oin hanesa SMS,liu husi CD hodi fahe ba entidade hotu-hotu hanesan ONG,Relizaun,Sosiadade sivil,akademiku sira liu-liu autoridade local sira hodi diskuti hamotuk ho ita nia komunidade sira neébe hela iha area rural.

“Konsultasaun lei rai nia ba publiku agora hotu ona komonidade sira mos hatama ona sira nia submisaun mai ona Ministeriu Justica iha submisaun neé iha materi rua hanesan meteria tekniku ami diskuti hamotuk ona e materia politika ami sei tau hamtouk ho lei rai nia hodi haruka ba Konselhu Ministru hodi Diskuti”Dehan Ministru Justica Dionsio Babo.
MJ mos hateten tan katak iha loron 29 Abril sei aprezenta lei rai nia ba konselhu Ministru hodi aprova molok atu haruka ba Parlamentu Nasional hodi hetan aprovasaun,pelumenus ita iha uluk lei depois ita laó ba la diak mak ita bele hadia sei ita mak nune hela deit banhira mak lei rai nia atu iha.
Ministru Justica mos informa tan iha fulan ida neé mos Ministeriu Justica sei organiza Worshop ida hodi taka ona konsultasaun lei rai nia ba publiku atu nune bele lori ona ba konselhu Ministru hodi aprova,se banhira ita nia lei neé aprova neé.