SEKRETÁRIU Estadu Terras Propriedade (SETP) iha loron kuarta, 10 fulan-Abril 2013 foin lalais ne’e antes partisipa iha seremonia lee deklarasaun ba Primeiru Ministru hosi lia-nain suko kamenasa hodi fó rai ho nia luan hektares 1113 ba governu hodi harii Suai Supply Base programa suai supply base, kria mós enkontru komunitaria ho komunidade sira iha suku mata-ai Distritu Covalima.
Enkontru komunitária ne’e ko’alia liu kona-ba oinsa atu haluan tan airoportu Suai, nune’e mós iha enkontru komunitária ne’e SETP husu ba komunidade sira labele hasa’e rai nia folin tuir komunidade sira nia hakarak.

“Bainhira imi atu hasa’e rai nia folin tenki haree rai rai ne’e’e ninia funsaun no tama iha zona ne’ebé nune’e mós tenki haree lai rendementu ekonomiku ba rai ne’e nian rasik. Selae it abele hasa’e rai nia folin mós ema sei sei la sosa.”
Iha enkontru komunitária ne’ebé hetan partisipasaun hosi Ministru Transporte e komonikasaun, Ministru Petroleo e rekursu naturais no Sekretáriu Estadu Meu Ambiente lider komunitária no autoridade lokál sira ne’e SETP husu ba komunidade sira tenki fó sira nia kontribuisaun ba Suai Supply Base ne’ebé maka iha tempu badak sei realize iha Suai.

Objetivu hosi seremonia ne’e maka hodi públika ba públiku katak komunidade sira hosi Suai Kamenasa servisu hamutuk ho governu no estadu tomak hodi bele aslera prosesu harii Suai Supply Base.
Tuir nia Suai Supply Base ne’e importante tebes ba komponente tomak iha Timór-Leste no mós internasionál sira bele hatene katak komunidade no estadu Timór-Leste sempre servisu hamutuk hodi garantia transparansia no akontabilidade iha dezenvolvimentu nasionál.*