Dili-Ministru Justica, Dionisio Babo ofisialmente loke Worshop neébe organiza husi Tribunal Rekursu ho nia tema “ kona ba Instrusaun Fiskalizasaun previa Kamara de Kontas ba Tribunal Rekursu” akompania husi Membru do Governu no funsionariu publiku husi Ministeriu ida-idak nia workshop neé realiza iha Centru Formasaun Juridico, Caicoli Dili Kuarta (17/04)
Íha abertura worshop neé Ministru Justica, Dionisio Babo hateten katak workshop ida neé importante tebes ba ita hotu nudar servidor estadu liu-liu ba ejekusaun orsamentu neébe liu husi Rihun Atus Lima (US$ 500.000) tenke liu husi Kamara de Kontas atu hatene banhira atu ejekuta.
“Kamara de Kontas hamrik kleur tia ona maibe agora foin mak atu implementa hodi hare ba ejekusaun orsamentu estadu nia tuir lei no 9/2011 banhira governu atu ejekuta orsamentu ho montante hamotuk Rihun Atus Lima (US$ 500.000) ba leten tenke liu husi Kamara de Kontas antes atu ejekuta sira sei hare e mos depois de ejekuta sira mos sei halo fiskalizasaun ba orsamentu neébe gasta ona hodi hare ba nia legalidade,efisensia no efikasia ”dehan Ministru Justica Dionisio Babo.

MJ mos informa tan katak durante neé iha projeitu barak neébe gasta orsamentu estadu nia neébe ho montante boót maibe projeitu neé la iha kualidade tamba neé kamara de kontas hamrik ho nia kompetensia atu hare liu-liu ba ejekusaun orsamentu estadu nia tuir duni lei ka lae.
Iha fatin seluk Prezidente Tribunal Rekursu Claudio Ximenes informa mos katak kamara de konstas laos deit Timor Leste mak foin implementa maibe iha nasaun sira seluk mos implementa hodi tau matan ba orsamentu estadu nian, Kamara de Kontas hamrik iha Tribunal Rekursu nia okos tamba Tribunal Rekursu iha nia kompetensia boót liu kamara de kontas.