Dili-Ministru Justica, Dionisio Babo partisipa iha serimonia tomada de posse ba Procuradoria Jeral da Republika foun Jose da Costa Ximenes hodi Troka eis Procuradoria Jeral da Republika Ana Pessoa Pinto, serimonia tomada de posse husi Prezidente da Republika Taur Matan Ruak, serimonia posse neé halaó iha Palacio Prezidensial,Aitarak Laran Dili Segunda (15/04)
Hafoin simu posse Prokurador Jeral da Republika (PJR) Jose da Costa Ximenes iha nia diskursu hateten katak, sei sakrifika-an hodi garantia justisa diak ba Timor oan hotu iha paiz demokratiku ida neé.
Eis Procuradoria Distrital Dili Jose Ximenes informa tan katak sei servisu makas atu ejerse knar ne ho dedikasaun profesionalismu , imparsialidade no fo korazen justisa ne’ebe diak no lalais ba Timor oan hotu.
“Hau sei promete ba Prezidenti da Republika katak. sei konta nafatin ho hau nia esperensia profesional no hau nia didikasaun ba knar ida ne’e ho hau nia lealidade. Hau nia prekupasaun bo’ot liu mak atu labele lakon konfiansa ne’ebe Prezidente da Republika fo mai hau. Depozita mai hau atu halao knar ida ne’e, ami konta nafatin PR nia apoiu nudar ema ida ne’ebe perekupa ba kestaun justisa liu liu krime organizado sira no partikularmente ba fenomenu droga no krime korupsaun,” komenta Jose Ximenes.

Asaun premeiru PJR nian mak, presija atu halo redusaun karadual ba kaju pendeneti sira no mos tempo atu fo responsta ne’ebe mak sidadaun sira hein hela husi justisa .
“Hau sei hamutuk ho Magistradu hotu hotu hodi buka nafatin solusaun foun ne’ebe bele garantia asesu no efisensia ne’ebe mak diak ho kualidade justisa ida nebe mak diak liu,” Jose promete PJR foun mandatu tinan hat ne’e (2013-2017).
Prezidenti da Republika Taur Matan Ruak hateten katak “ita hotu moris no sente difikuldade tomak ne’ebe iha tinan 2002, Ministerio Pupliku hakat liu desde Longuinhos Monteiro nia tempu mai to’o Ana Pessoa. Hau lembra iha Ana Pessoa nia tempu ne’ebe tau atensaun bainhira MP hetan atake husi ema politiku sira, maibe Ana Pessoa ninia imparsial,” dehan PR Taur.
PR Taur husu ba estado tomak atu tau matan ba buat tolu ne’ebe importante, ida mak imunijasaun seitor justisa, tamba iha tinan 12 sei iha difikuldade barak. Komunidade Internasional mos ajuda dala barak ona fo apoiu, apoi sira ne’e tanba setor justisa pilar ba demokrasia, kualker estado do direito democrático la bele haketak an husi prosesu justisa.
“Hau apela ba Ministeiru da Justisa atu fo bolsu estudus ba Timor oan hodi bele aumenta kapasiadade. Se komesa agora ita la investe iha instituisaun hotu hotu laiha rekursu humanus liu seitor Justica la preparado ita la bele halo buat ida, maske ita iha osan barak ita presija lori besik justisa ba ita nia povo. Hau espera ita hamtuk ita bele ultra pasa dezafiu sira ne’e,” Taur komenta.