Dili-Ministru Justisa,Dionisio Babo partisipa iha Enkontru Konsellu Superior Defeza Seguransa (KSDS) iha Palacio Prezidente da Republika segunda (25/03) hodi informa situasaun seguransa iha rai laran ba Prezidente Taur Matan Ruak.

Hafoin haláo enkontru KSDS Ministru Defeza Seguranca Kay Rala Xanana Gusamao hateten katak objektivu enkontru neé hodi informa situasaun seguransa iha rai laran ba Prezidente da Republika Taur Matan Ruak relasiona ho mandatu ONU nia neébe remata ona iha tinan kotuk.

“Enkontru KSDS neé hodi halo revizaun ba situasaun rai laran relasiona ho Mandatu ONU nia neébe remata ona iha tinan kotuk iha Timor Leste atu nune bele informa ba publiku hodi hatene kona ba situasaun rai laran agora neé no informa servisu seguransa nia no defeza nia iha futuru”Dehan MDS Kay Rala Xanana Gusamao.

Ajenda inkontru neé lidera husi Chefe Estadu Taur Matan Ruak hetan Partisipasaun Masimu husi Primeiru Ministru Kay Rala Xanana Gusamao,Prezidente Parlamentu Nasional Vicente Guterres,no Membru Konsellu Superior Defeza Seguransa tomak.