Ermera-Ministru Justisa Dionisio Babo partisipa inagurasaun Uma Dame iha Distrito Ermera sexta 08/03 objektivu hari uma dame ne’e atu fasilita komunidade Distritu Eremara atu halo dialogu hodi resolve konfilitu ne’ebe sempre mosu iha Distritu refere Uma dame neé hetan finanseiru husi ONG Sentru Estudu Dezenvolvimentu ba Paz (CPAD).

Hafaoin halo inagurasaun Ministru Jusitsa Dionisio Babo iha nia diskursu hateten katak Distritu Ermera iha populasaun barak liu kompara ho Distritu sira seluk e violensia ne’be barak liu mos iha Distritu Ermera tamba ne’e sai hanesan varometru ida atu sukat ita nian kapasidade to’o iha ne’ebe pelemenus uza mekanismu saida mak iha atu bele resolve konfilitu ne’eb sempre akontese iha fatin ida ne’e.

MJ informa tan katak “iha setor Justisa kuaze Ermera nia oan mak okupa hotu fatin sira ne’e hanesan Prezidente Tribunal Rekursu Dr Claudio Ximenes,Prezidente Tribunal Distrital Dili Dr.Duarte Tilman no hau rasik hanesan MJ maibe hare ba violensia as liu iha Distritu Ermera kompara ho distritu sira seluk”Dehan Ministru Justisa Dionisio Babo.

MJ mos prometa sei la apoiu buat barak maibe sei apoiu deit livru Kodiku Prosesu Penal (KPP) atu bele tau iha uma dame ida neé atu nunee komunidade no estudante sira bele asesu ba ita nia lei neébe vigora iha Timor Leste.

Iha fatin seluk Prezidente da Republika Taur Matan Ruak hateten katak prezensa uma dame iha Distritu Ermera inportante tebes tamab durante ne’e krimi ne’e as liu mak Ermera tamba ne’e dame laos iha ibun deit maibe dame mai husi fuan
“husu ba ema hotu-hotu atu hadomi malu no respeita malu tamba durante ne’e sempre mos violensia ne’ebe bo’ot tebes mak akontese iha distritu ida ne’e tamba ne’e ho uma dame ida ne’e iha problema atu buka solusaun hodi resolve konfilitu ne’eb sempre mos”dehan Prezidente Taur Matan Ruak.