PN Husu ba MJ Atu Valoriza Sertidaun RDTL

Dili-Deputadu husi Bankada Frenti-Mudansa Benvinda Catarina kestiona kona ba Valorizasaun sertidaun RDTL tamba dala barak ema atu ba hasai Passaporte lori Sertidaun RDTL la vale tenke lori ho Sertidaun Batismu.

“Hau husu ba Ministru Justisa atu valorize Sertidaun RDTL tamba durante ema barak ba atu hasai passaporte lori ona Sertidaun RDTL maibe tenke lori tan sertidaun Batismu tuir lolos neé ita lori ona sertidaun RDTL ita bele asesu atu bele hasai Passaporte ona”Dehan deputadu Benvinda Catarina.

Hatan ba qestaun neé Ministru Justisa Dionisio Babo hateten katak Ministeriu Justica Valoriza nafatin Sertidaun RDTL tamba dala barak ema estrajeiru balun mos hakarak hetan sertidaun RDTL no passaporte tamba neé Funsionariu sira tenke indentifika lolos ba sidadaun hotu-hotu neébe atu hasai passaporte tenke hatudu mos dokumentus addisional.

“Sertidaun RDTL laos la valoriza maibe ita hotu hatene katak ema barak mak falasifika dokumentus atu sai sidadaun Timor oan tamba neé funsionario husi Diresaun Nasional Registu Notariadu tenke indentifika lolos sidadaun neébe deit mak atu hasai passaporte atu bele hatudu mos dokumentus adisional balun atu nune bele hatene lolos sidadaun neé”dehan Ministro da Justica Dionsio Babo iha Parlamentu Nasional Sexta (15/02).

MJ salient tan katak ba Deputadu sira hau (MJ) fiar katak bele halo surat ruma husi Parlamentu Nasional bele sufisente ona atu bele asesu hodi bele hasai pasaporte ona.

Pedro Delfim
Gabinete Ministru Justisa
Media Officer