Dili-Ministru Justisa Dionisio Babo Soares akompania husi Vise Ministru Ivo Valente halo reniaun ho Formandus Polisia Investigasaun Criminal (PIC) hafoin fila husi Formasaun iha Portugal, formandus tuir formasaun iha Lisboa Portugal durante fulan nen (6) nian laran hodi aprezenta sira nian difikuldade neébe sira infrenta durante sira tuir formasaun.Hafoin rona tiha difikuldade neébe formandos sira hatoó ba Ministru Justisa Dionisio Babo hateten katak Governu liu husi Ministeriu Justisa sei esforsu aán hodi buka solusaun hodi kordena hamutuk ho Instituisaun neébe relevante hodi enkaixa imi ba iha instituisaun refere tamba neé hau (MJ) husu ba imi hotu atu kontinua tuir formasaun hodi hein desizaun neé.

“Hau (MJ) fo korajen nafatin ba imi hotu neébe tuir ona formasaun iha area espesialidade atu kontinua nafatin tuir formasaun tamba agora dadaun sei kordena hela hamutuk ho instituisaun neébe relevante hodi enkaixa imi hodi ba tuir pratika (magan) iha instituisaun relevante neé”Dehan Ministro Justica Dionisio Babo haofin hasoru malu ho Formandos PIC iha Sala Reniaun Ministeriu Justisa Caicoli Terca (12/02).

MJ mos salienta tan katak husu ba imi atu lalika prekupa demais ho imi nian estatutu tamba atu disidi laos deit Ministru Justisa mak atu disidi maibe neé sei lori ba Konselhu de Ministru mak sei diskuti hodi disidi tamba neé ida neé desizaun politik nian tamba neé imi lalika atu hanoin toó iha neéba lai maibe inportante mak neé imi tenke hatudu imi nian matenek neébe durante imi hetan iha formasau nian laran neé.

Ministro husu mos ba Formandus sira hotu atu hatama materia espesialidade saida mak durante formandus sira hetan iha formasaun nian laran tenke hakerek "por eskrita" hodi aprezente ba Ministru Justisa hodi hare atu bele aprezenta ba Konselhu Ministru hodi diskuti.

Iha fatin seluk Albertina Santa hanesan formandus hateten katak ami sente triste tebes durante ami fila husi formasaun iha Portugal mai Timor Leste agora ami halimar iha uma deit la halo buat ida tamba neé ami hasoru malu ho Minitru Justisa atu bele hatoó ami nian difikuldade ba MJ hodi hare no bele disidi lalais.