Dili - Nelinho Vital agora dadaun halaó nia knar hanesan Direitu Nasional Assessoria Jurídika no Lejislasaun (DNAJL) iha Ministeriu Justisa tamba neé iha V Governu Konstituisional fo fiar ba Direitor neé hodi Lidera Konselhu Timor Leste (CGDA) hodi tau matan ba Servisu Advogadu iha Timor Leste.Iha Diskursu Prezidente Konselh Jestaun Disiplina Advokasia Timor Leste (CGDA) Nelinho Vital hateten katak ba Dala uluk,hakarak hasaé agradesementu boót ba nai maromak tamba ho nian grasa deit maka ohin lokraik kmanek ida neé ita bele halibur hamutuk malu iha fatin ida neé hodi realize tan aktu inportante ida neé iha ita nian istoria judisial nian, maka komesa hatur no hahu funsiona Konselhu Jestaun Disiplina Advogadu nian,Konselhu ida neé hari no halaó nian k’nar tamba hatan forsa husi lei N0.11/2008 neébe altera ho Decreto Lei No. 39/2012.

“Hanesan ita hotu hatene katak banhira kuandu ita nia ordem Advogadu seidauk hari CGDA ida neé maka sei halaó k’nar hira husi Ordem Advogadu nian atu hodi garante direitu Advogadu nian inkului obrigasaun ne’ebe tenke banati tuir husi advogado sira,iha funsaun ida ne’bee mai inportante liu maka Konselhu iha atu garante profesionalismu hodi tau intrese jeral husi advogadu privadu neébe fo asistensia judisiario ba ita nian komunidade iha Paiz ida neé”Dehan Prezidente CGDA Nelinho Vital iha nain diskursu hafoin hetan tomada de Posse husi Ministru da Justisa Dionisio Babo iha Centro Formasaun Juridico (CFJ) Segunda (11/02).

Direitor DNAJL neé mos informa tan katak mekanismu Tribunal bele lao diak,advogado nian prezensa importante mos,aliende Juiz no prokurador ou Ministeriu Publiku nian,iha aktu ida neé advogado hatudu nian papel profesionalismu hodi garante ba funsionamentu Estadu Direitu Demokratiku.

“Iha ita nian konstituisaun rasik artigu 135 mos hatur ona kona ba funsaun husi Adovagu ne’be iha funsaun Prinsipal hodi kontribui atu administra justisa diak no defende sidadaun sira nian direitu no interese lejitimiu”Dehan Prezidente CGDA.

Ministru Justisa Dionisio Babo mos hateten katak Hau (MJ) fo parabens no konhese muinto bem Dr.Nelinho Vital nian kapasidade tamba neé hau la duvidas ho nian kapasidade atu lidera Konselhu Jestaun Disiplina Advogasia iha Timor Leste.