Dili-Ministru Justisa Dionisio Babo Akompania husi Sekretariu Estadu Teras no Propriedade Jaime Xavier hamutuk ho Funsionariu tomak husi Ministeriu Justisa halo limpeza jeral hahu husi Area Merkadu Becora mai toó iha Kuluhun.

Tuir Ministru Justisa Dionisio Babo hateten katak limpeza jeral hanesan programa governu nian hahu husi IV Governu Konstituisional no mai toó V governu Konstituisional hodi kontinua halo limpeza jeral ba bairo-bairo iha Dili laran tomak tamba sidadaun Timor oan toó ohin loron sei dauk iha konsensia atu tau foer iha lixu maibe soer arbiru deit.

“Husu ba sidadaun hanesan Timor oan atu bele iha konsensia rasik hodi labele soe foer arbiru deit maibe tenke tau iha lixu neébe governu prepara ona iha estrada ninin sira ne’e ”Dehan Ministru Justisa Dionisio Babo hafoin halao Limpeza Jeral iha Becora Sexta (08/02).

Ministru Justisa mos husu ba komunidade sira atu lalika kuda ai hori hanesan batar,ai farina iha Estrada ninin tamba iha area Becora komunidade barak mak uza fali Estrada ninin sira neé hodi kuda fali batar no ai farina.

“Tamba neé husu ba Administrador Distritu Dili atu bele fo sirkular ida ba suku hotu-hotu atu bele fo hatene ba komunidade sira atu nune labele kuda fali ai farina ou batar iha Estrada ninin sira neé tamba Estrada nini tuir lolos kuda deit aifunan laos atu kuda fali batar”MJ informa.