MJ Halo Enkontru Konseltivu ho Diretor Nasional MJ nia hodi Aprezenta Atividade Semanal
Dili-Ministeriu Justisa kada semana-semana halo enkontru Konseltivu ho Diretor Nasional husi Ministeriu Justisa tomak hodi aprezenta Atividade semanal ba Superior hirarkia iha Ministeriu Justisa.
Iha Enkontru neé Ministru Justisa Dionisio Babo hateten katak objektivu enkontru Konseltivu ida neé atu fo hanoin fila fali ba direjente Ministeriu Justisa nian no mos atu halo avaliasaun ba funsionariu sira nian servisu durante semana ida nian laran alende neé Direitor Nasional husi Ministeriu Justisa tomak atu aprezenta atividade saida mak durante semana ida nia laran sira halo.
“Enkontru Konseltivu ida neé atu fo evaluasaun ba direjente tomak iha Ministeriu Justisa hodi aprezente atividade saida mak sira halo durante semana ida nia laran e mos atu aprezenta atividade saida mak atu halo fali iha semana oin ”dehan Ministru Jusitsa Dionisio babo hafoin halo enkotru iha salaun Ministeriu Justisa Terca (29/01).
MJ mos informa enkorajen nafatin Diretor sira atu fo atensaun ba Funsionariu sira neébe tama servisu la tuir oras tenke fo sansaun tuir lei funsaun publiku nian tamba ita hotu moris iha lei nian okos tamba neé tenke kumpri lei neé vigora ona iha funsaun Publiku neé.
Ministru mos salienta tan katak ba Sentru Formasaun Juridiku (CFJ) tenke atu funsiona ho diak laos deit atu fo treinamentu deit maibe ita tenke funsional ita nian fasilidade neébe ita iha hodi halo seminar hodi diskuti qualquer assuntu ne’ebe ita iha hodi diskuti.
Iha fatin hanesan Direitor DNAJL Nelinho Vital mos aprezenta ajenda atividade semanal Diresaun Nasional Asesoria Juridiku no Lejislasaun (DNAJL) ba Ministru Justisa iha oportunidade neé Ministru no Vice Minstru mos Apresia ajenda neébe aprezenta husi Direitor Nelinho Vital hanesan mata dalan ba Diresaun hotu-hotu atu bele banati tuir saida mak Diresaun DNAJL halo atu nune fasil atu halo kontrola ba Funsionariu sira nian servisu lor-loron nia.
Iha enkontru neé partisipa husi Ministru Justisa Dionisio Babo,Vise Ministru Justisa Ivo Valente Chefe Gabinete Ministru no Vise Ministru enklui mos Direjente tomak husi Ministeriu Justisa.
