MJ Partisipa iha Enkontru Nasional ba Direzentes Administrasaun Publiku

Dili-Ministru Jusitsa Dionisio Babo Partisipa Enkontru Nasional ba Direzente Administrasaun Publiku iha Centru Konvensaun Dili (CCD) Quinta (17/01) neébe organiza husi Komisaun Funsaun Publika no lidera husi Primeiro Ministro Kay Rala Xanana Gusmao ho Prezidente Komisaun Funsaun Publiku.

Iha Enkontru Nasional neé Prezidente da Republika Taur Matan Ruak iha nia Diskursu hateten katak ita hari Timor Leste ita hateke ba pasado Timor Leste moris iha situasaun neébe difisil tebes tamba neé ohin loron Timor Leste sai ona nasaun ida neébe independete Timor oan hotu-hotu tenke iha nasionalismu neébe boót ba nasaun no povu iha rai ida neé.

“Ohin loron Timor Leste sai hanesan nasuan neébe independente tamba neé funsionario Publiku hanesan uma nain ba Administrasaun Publiku tenke iha nasionalsmu neébe boót hodi servi povu no nasaun ida neé ho diak tamba Governu bele troka kada tinan lima maibe funsionariu Publiku hein to’o Reforma mak foin mak para tamba neé Funsionario Publiku sai hanesan uma nain ba Estado ida neé tenke hatudu servisu Nasionalzmu hodi servi Povu no saun ida neé ho diak iha futuru”Dehan Prezidente da Republika Taur Matan Ruak iha nian diskursu Quinta Iha Centro Konvensaun Dili Quinta (17/01).


Prezidente Republika mos enkorajen nafatin Membru V Governu Konstituisional atu servisu makas hodi jere administrasaun Publiku durante tinan lima nian laran hodi servi povu no nasaun ho diak.

“Ita hotu hatene katak ohin loron Timor Leste Pela Primeira Vez ONU husik hela nian ain iha Timor Leste hodi fo ba Timor oan atu kaer rasik nian Siguransa tamba neé husu ba sidadaun hotu-hotu ba Membru V Governu Konstituisional liu-liu Funsionariu Publiku atu servisu makas no fo kontribuisaun nafatin ba governu no se sedeit mak atu bele mai kaer governu hanesan deit ita hotu nian objektivu mak atu kore povu husi kiak no mukit”Dehan Prezidente.

Pedro Delfim
Gabinete Ministru Justisa
Media Officer