Ermera Ministru Justisa Dionisio Babo Soares hetan orientasaun husi Primeiru Ministru hodi desloka kedan ba Ermera Mirtuto iha Tersa Lokraik Horseik horas tuku 5:30 hanesan reprezenta governu hodi halo despidida ba Restu Mortais Saudozu Nino Konis Santa nian iha Mirtuto molok atu lori ba Tutuala.

Iha Serimonia Despidida neé Ministru Justisa Dionisio Babo hanesan reprezenta Governu hateten katak hanesan reprezentante governu fo parabens ba Familia rua husi Lautem no Ermera Mirtuto neébe durante fulan hirak nian laran servisu makas tebes hodi halot restu mortais saudozu Nino Konis Santa molok atu lori fila ba fatin moris iha Tutuala no kontinua lori fai mai hodi halo funeral iha Jardim Herois Metinaru tuir Programa neébe governu planeadu ona.

“Hau (Dionisio) reprezenta governu nian naran hatoó parabens ba familia rua Emera Mirtuto ho Tutuala e mos komisaun organizasaun husi reziaun IV (4) no maluk eis Falintil sira neébe durante neé halaó servisu makas hodi halót restu mortais saudozu Nino Konis Santa nian molok atu lori fila ba nian fatin moris iha Tutuala hodi kontinua mai halo funeral iha Jardim Herois Metinaru tuir programa neébe governu planeadu ona”Dehan Minsitru Justisa hafoin halo despidida ho restu mortais Saudozu Nino Konis Santana iha Suku Mirtuto,Distritu Ermera Tersa kalan (11/12).

Ministru mos informa tan katak Komadante Saudozu Nino Konis Santana hanesan lideransa foun neébe hatutan funu husi lideransa tuan sira husik hela tuir prinsipiu neébe uluk hateten katak mate ka moris tenke ukun rasik aán ho prinsipiu neé Komadante saudozu Nino Konis Santa husi hela nian familia tomak hodi lao Timor Laran tomak hodi halo planu kontra invazaun Indonezia iha Timor Leste maibe Komandete husik hela nia povo Timor i iha rai Ermera Mirtuto hodi fila hikas ba aman maromak.