MJ fo Parabens ba SEPFOPE Nebe’e Konsege Produz Livru Lei Trabalhadores

Dili-Ministru Jusitsa Partisipa iha serimonia lansamentu Livru lei trabalhadores ho versaun lian (4) Tetum,Portugues, Ingles no Bahasa Melayu ne’ebe organiza husi Sekretariu Estadu Para Promosaun Profesional e Empregu (SEPFOPE) iha Hotel Arbiru Segunda (10/12).

Ministru Justisa Dionisio Babo Soares iha nian diskursu hateten katak hau fo parabens ba Sekretariu Estadu Para Promosaun Profesional e Empregu (SEPFOPE) ne’ebe servisu makas hodi konsege produz lei trabalhadores ba livru bo’ot ida ne’e ho versaun lian 4 Tetum, Portugues, Ingles, Bahasa Melayu ho kodigu laboral ida ne’e bele garantia ona trabalhadores nain diretu iha servisu fatin.

“Hau fo parabens ba SEPFOPE ho ONG Internasional ILO,AUSAID ne’ebe durante ne’e fo apoiu makas ba SEPFOPE hodi produz lei Trabalhadores ba livru bo’ot ida ne’e ho kodicu laboral ida ne’e bele garantia ona trabalhadores nian direitu iha sira nian servisu fatin tamba durante ne’e trabalhadores barak mak lakon sira nian direitu iha sira nain emprega maibe ho lei kodigu laboral ne’e bele proteje no garantia sira nian direitu”dehan Ministru Justisa hafoin diskursu iha Lansamentu Livru lei Trabalhadores iha Hotel Arbiru Segunda (10/12).

MJ mos informa tan katak iha pais demokrasia presija lei atu bele regula hodi inplementa lei ne’e hodi regula trabalhadores sira tamba dala ruma tarabalhadores sira halo servisu la tuir regulamentu ne’ebe iha sira nian servisu fatin tamba ne’e ho lei kodigu laboral ne’e bele garantia hotu tarabalhadores no Empregador sira nian direitu hotu iha sira nian servisu fatin.

Pedro Delfim
Gabinete Ministru Justisa
Media Officer