DILI,MJ-Segunda-feira 03 Marsu 2025 Ministériu Justisa liuhosi Sua-Eselénsia Ministru Justisa, Dr. Sérgio de Jesus Fernandes da Costa Hornai, Vise-Ministru ba Fortalesimentu Institusionál, Dr. Paulo Manuel da Silva dos Remédios, Sekretáriu Estadu Terras no Propriedades, Eng. Jaime Xavier Lopes no funsionáriu sira hotu hakarak hato’o parabéns ba loron nasional komemorasaun Veteranus ba dala-VIII iha Timor-Leste.
EstaduTimor-Leste dekreta nu'udar loron veteranus, loron nasionál ne'ebé fanun timoroan hotu hodi hamutuk halo reflesaun, fó onra no glória ba aswa'in funu na'in sira hotu ne'ebé fila ona ba Aman Maromak nia kadunan santu tanba kauza luta ba Ukun Rasik An.
Tanba iha loron 3 fulan Marsu tinan 1981 liubá, funu na'in sira hahú reorganiza an iha Maubai hodi define no reafirma estratejia luta ba ukun rasik an to'o konkista independésia liu hosi referendum iha loron 30 Agustu 1999.
Tuir mai, iha loron 20 fulan Maiu tinan 2002, Timor-Leste restaura hikas nia independénsia, hafoin ukun an, estadu Timor-Leste dekreta loron 3 fulan Marsu sai nu'udar loron nasionál ba veteranu sira.