MINISTRU JUSTISA SIMU VIZITA KORTEZIA HOSI KOORDENADORA NASOENS UNIDAS
DILI,MJ- Sesta-feira 31 Janeiru 2025 Sua-Eselénsia Ministru Justisa, Dr. Sérgio de Jesus Fernandes da Costa Hornai, simu vizita kortezia hosi Koordenadora Nasoéns Unidas, Sra. Funmi Balgonun, iha sala Gabinte Ministru Justisa, Ministériu Justisa, Nú. 47, Colmera, Díli.
Ministru Justisa agradese no husu obrigadu ba vizita kortezia hosi Koordenadora Nasoéns Unidas mai iha Ministériu Justisa. “Ha’u hanoin katak, kooperasaun Internasional ho ajénsia Organizasaun Nasoéns Unidas (ONU) importante tebes ba servisu tomak. Ohin Timor-Leste bele sai hanesan estadu ida. preokupasaun bo’ot, hahú iha tinan 2002 to'o mai agora”
Objetivu prinsipál maka atu halo komprimentu ba amandamentu Nasoéns Unidas ninian. Tanba nu’udár estadu parte hakarak hametin kompromísiu sira hanesan estadu parte, Timor-Leste nian. Iha relasaun polítika estérior ne'ebé laiha inimigu, mais ita amigu ba pais hotu, ita hakarak kria pás no estabilidade, ita hakarak iha justisa.
Ministériu Justisa esforsu hela hosi tulun hosi Ajénsia Internasionál, Bilateral, Multilaterál no ONU sira, atu aliña polítika Governu no Estadu Timor-Leste ba vizaun bo’ot Estadu Direitu Demokratika Timor-Leste, no mós respeitu ba Direitus Humanus.
Koordenadora Nasoéns Unidas, Sra. Funmi Balgonun, nu’udár reprezentante Nasoéns Unidas iha Timor-Leste, objetivu prinsipál atu bele fó apoiu ba Timor-Leste nia governante sira ho transperante, akontabilidade ba povu Timor-Leste.
Iha Sesta-feira 24 Janeiru 2025, Ministru Justisa, Dr. Sérgio de Jesus Fernandes da Costa Hornai hamutuk ho Koordenadora Nasoens Unidas, Sra. Funmi Balgonun, halo esforsu lubuk kona-bá Balkaun Únika sai nu’udár modelu ida hatan Administrasaun Justisa lalais no besik liu bá povu.
Nune'e bele fó garantia ba sidadaun sira, ha’u ko’alia hanesan ne’e, tanba Ministériu Justisa iha Objetivu prinsipal tolu (3), primeiru maka; asegura direitu, segundu maka; ko’alia kona-bá Direitus Humanus, Terseiru maka; atu asegura Direitus Propriedades.