São Tomé e Príncipe Tersa-Feira dia 09 Abril 2024, S.E. Ministru Justisa Dr. Sérgio de Jesus Fernandes da Costa Hornai, partisipa Konferénsia ba Ministru Justisa hosi nasaun sira ne’ebé utiliza lingua ofisiál Portugés (CMJPLOP sigla portugés) ba dala XVIII, ne'ebé ho tema: Reforsa Notáriu ba fiabilidade no seguransa Jurídika ba dukumentu sira iha CPLP, iha sidade São Tomé, São Tomé e Príncipe.

Iha sesaun abertura Konferénsia ba Ministru Justisa hosi nasaun sira ne’ebé utiliza lingua ofisiál Portugés (CMJPLOP), Sekretáriu Ezekutivu Komunidade Pais Lian Portuges (CPLP), Zacarias da Costa, kongratula Ministru Justisa, Administrasaun Públika no Direitus Umanus São Tome no Liurai Ilza Amado Vaz, nu’udar Prezidente ezersísiu CPLP ba eleisaun ho tema “Haforsa Notáriadu iha responsabilidade no Seguransa Juridika Dokumentu sira iha CPLP, bainhira ida-ne'e aprezenta hanesan kontribuisaun esensiál ida husi forum ida-ne'e atu haforsa objetivu sira komunidade nian.”
CMJPLOP ba períodu ida ne’e, sei lidera hosi Ministra Justisa São Tomé e Príncipe, ne’ebé sei fóka liu-bá kestaun notáriadu no seguransa dokumentu sira kona-ba notárial atu haforsa mobilidade pessoa iha espasu CPLP. Ho nune'e, Ministru Justisa CPLP nian konsege aprova Deklarasaun São Tomé, no Planu asaun kona-ba, reforsa notariado no garante seguransa dokumentu sira iha notárial ne'ebe sei implementa husi nasaun membru sira durante tinan rua presidénsia São Tomé.

Iha okaziaun ne'e, S.E. Ministro Justisa Timor-Leste, Dr. Sérgio de Jesus Fernandes da Costa Hornai, iha intervensaun afirma posisaun Timor-Leste nian ba hametin servisu notáriadu hodi nune'e, iha garante jurídika ba document sira hosi notárial nian hodi garante movimentu ema iha espasu CPLP.
S.E. Ministro Justisa Timor-Leste ne’e arguementa, iha mundu digitál ida agora, ho movimentu ema nian ne'ebé la iha limitasaun, presiza estadu nia intervensaun hodi fasilita di’ak liu tan movimentu ema nian, nune'e servisu kooperasaun, servisu notária nian, importante tebes hodi asegura document ema sira nian.
Iha Konferénsia ida ne’e, Ministru sira aprova relatóriu atividade presidénsia Angolana nian, ho objetivu atu fo seguimento ba servisu grupu traballu ne'ebé stabelese durante presidénsia Angola nian, halo apresiasaun ba relatóriu servisu Rede Cooperasaun Judisiária no Jurídica CMJPLOP, apresiasaun ba regulamentu LEGIS-PALOP+TL nomos aprova estabelese grupo traballu ba presidénsia São Tomé e Príncipe nian kona-ba, seguransa dokumentu sira hosi notarial.

Entretantu partisipa iha reuniaun Konferénsia ba Ministru Justisa hosi nasaun sira ne’ebé utiliza lingua ofisiál Portugés ne’e, maka hanesan Ministru Justisa no Direitos Humanos Angola, Vise Ministra Justisa Brasil, Ministra Justisa Cabo Verde, Ministra Justisa Guiné Bissau, Ambassador Guiné Equatorial ba São Tomé e Príncipe, representa Ministru Justisa , Ministra Justisa Moçambique, Ministra Justisa no Administrasaun Interna São Tomé e Príncipe, Ambassadora Portugal ba São Tomé e Príncipe, representa Ministra Justisa, Ministru Justisa Timor-Leste no Sekretáriu Exekutivu CPLP.