Díli 12-07-2023: Ministru Justisa Dr. Amãndio de Sá Benevides, partisipa Reuniaun Konsellu Ministrus nebe halao iha Palásiu Governu. Reuniaun ohin aprova ona Programa Governu Konstitusionál da IX. Programa ne’e sintetiza polítikas públikas prinsipáis ne’ebé atu adota durante Governu ninia mandatu.

Objetivu mak atu hametin no otimiza setóres governasaun nian no sira nia rekursu, hodi habadak dalan atu transforma vizaun Ajenda Dezenvolvimentu Sustentavel 2030 nian no Planu Estratéjiku Dezenvolvimentu 2011 - 2030 nian hodi sai realidade.

Konsellu Ministrus delibera no aprezenta ba Parlamentu Nasionál Votu Konfiansa ida ba Governu, ne’ebé fundamenta husi kompromisu ne’ebé firme no determinadu Governu atu implementa ninia Programa, ho objetivu atu promove dezenvolvimentu, prosperidade no moris diak ba sidadauns timoroan.

Programa ne’e kompoin husi área prinsipál neen, hanesan tuirmai: afirma fila fali Estadu Direitu Demokrátiku, dezenvolvimentu kapitál sosiál, dezenvolvimentu infraestruturas, dezenvolvimentu ekonomia, konsolidasaun governativa no boa governasaun, no kombate hasoru korrupsaun.