VISE MINISTRU JUSTISA REALIZA FORMASAUN BA FUNSIONARIU MINISTERIU JUSTISA IHA MUNISIPIU VIQUEQUE


Viqueque, 31/5/2023, Sua Exselensia Vise Ministru Justisa Dr. Jose Edmundo Caetano (Saka-Timor) realiza formasaun ba funsionariu Ministeriu Justisa iha Munisipiu viqueque, Quarta-feira ne’e realiza iha salaun enkontru Terras Propriendade munisipiu Viqueque.
Formasaun ne’e, lidera husi exselensia Vise Ministru Justisa Dr. José Edmundo Caetano no akompanha husi prezidenti komisaun Terras Propriedade Dr. Pasqual da Costa, Diretor Terras Propriedades, Diretor Natoriadu munisipiu Viqueque, no mos partisipa husi funsionariu Ministeriu Justisa iha munisipiu viqueque.
formasaun ne’e, Orador mak hanesan Dr. Pasqual da Costa hanesan Prezidenti Komisaun Terras Propriedade Timor Leste, no Dr. Onoriu Aureliano hanesan Coordenador Geral Sentru Formasaun Juridiku no Judisiariu. Fasilita husi exselensia Vise Ministru Justisa Dr. Jose Edmundo Caetano.

Materia sira ne’ebe iha programa formasaun refere mak hanesan lei no. 13/2017, dia 5 junu, konaba rejime espesial ba difinisaun titularidade bein moveis, Lei no. 8/2017 dia 26 abril konaba expropriasaun ba utilidade publliku, decretu lei nu. 14/2022 dia 6 abril aprovasaun kodegu registu perdial, dekretu lei no. 65/2022 dia 31 agustu konaba informasaun kadastru perdial, decretu lei nu. 5/2020 konaba funsionamentu komisaun terras propriedades no mos diploma ministerial nu.48/2022, 9 novembru konaba aprovasaun modelu sertidaun direitu propriedade, diploma ministerial 49/2022 konaba aprovasaun numeru uniku identifikasaun prédiu, diploma ministerial nu. 50/2022, 9 novembru konaba aprovasaun sertidaun registu predial, diploma ministerial nu. 51/2022, 9 novembru konaba aprovasaun modelu impressu registu prédial.

Objetivu realiza Programa ne’e atu hasa’e koinesimentu konaba lei ba funsionariu sira iha ambitu ministeriu justisa, hodi exerse sira nia funsaun ho diak wainhira fo atendimentu ba komunidade ka sidadaun sira iha rai doben ida ne’e. Entre tantu exselensia vise ministru Justisa acresenta funsionariu sira aproveita didiak ho programa ne’e atu nune’e bele aumenta koinesimentu iha area legal ka lei hirak nebe vigora. Tan ne’e nudar servidor estado iha konsensia atu aprende nafatin nune’e fo solusaun ba problema sira wainhira iha servisu fatin ka sosiedade nia leet.

Kontenti tebes simu programa ne’e, tamba fo solusaun no ajuda ami nia konvuzaun sira no aumenta koinesimentu konaba lei sira nebe mak sedauk rona ka sedauk implementa iha servisu fatin tuir sistema legal nian. No sujere nafatin atu halo nafatin programa hanesan ne’e hodi aktualiza nafatin lei sira na komunidade atu nune’e kombate desintendimentu iha terenu ka sosiedade nia leet.

Arcanjo Viana das Neves
Media Gabinete Vice Ministru Justisa