Lautem 29/5/2023, sua exselensia vise ministru justisa realiza formasaun ba funsionariu ministeriu justisa iha munisipiu Lautem, segunda-feira ne’e realiza iha salaun administrasaun munisipiu Lautem.
Formasaun ne’e, lidera husi exselensia vise ministru justisa Dr. José Edmundo Caetano no akompanha husi reprezentante administrador do munisipiu, diretor rekursu umanu administrasaun munisipiu lautem, hamutuk ho diretor nasional, no prezidenti komisaun terras, diretora terras, diretor natoriadu, no partisipa husi funsionariu ministeriu justisa iha munisipiu refere.

Materia sira ne’ebe iha programa formasaun refere mak hanesan lei no. 13/2017, dia 5 junu, konaba rejime espesial ba difinisaun titularidade bein moveis, Lei no. 8/2017 dia 26 abril konaba expropriasaun ba utilidade publliku, decretu lei nu. 14/2022 dia 6 abril aprovasaun kodegu registu perdial, dekretu lei no. 65/2022 dia 31 agustu konaba informasaun kadastru perdial, decretu lei nu. 5/2020 konaba funsionamentu komisaun terras propriedades no mos diploma ministerial nu.48/2022, 9 novembru konaba aprovasaun modelu sertidaun direitu propriedade, diploma ministerial 49/2022 konaba aprovasaun numeru uniku identifikasaun prédiu, diploma ministerial nu. 50/2022, 9 novembru konaba aprovasaun sertidaun registu predial, diploma ministerial nu. 51/2022, 9 novembru konaba aprovasaun modelu impressu registu prédial.

Tekniku superior sira nebe lori materia nebe mensiona iha leten mak hanesan Prezidenti komisaun terras i propriedades Dr. Pasqual da Costa , koordenador sentru judisiariu, Dr. Honoriu Aurelio no fasilita husi Vise Ministru rasik.
Vise Ministru hateten, objetivu husi programa ne’e, hodi hasa’e koinesimentu konaba Lei ba funsionariu sira konaba atendimentu publiku tuir legal. Nune’e servi estadu liu husi diresaun sira iha Ministeriu Justisa. Exselensia fo mos rekomendasaun ba funsionariu sira atu aproveita oportunidade ida ne’e atu hatene konaba implementasaun lei iha prosedimentu servisu. No ikus liu exselensia vise ministru justica ho ekipa foto hamutuk ho dirijente no funsionariu sira iha munisipiu refere.