Dili - Delegasaun Ministru Negosiu Estranzeiru Singapore Kasiviswatha Sahnmungam mai vizita edifisu Ministeriu Justisa hanesan vizita ida atu hatene ita nia sistema legal, ita nia lei konaba infestementu, lei konaba impostu no lei ne’ebe koalia konaba dezenvolvimentu makro ekonomia ne’ebe diak hodi bele investe iha timor leste.

Tuir Ministru Justisa Dionisio Babo Soares hatene katak negosiu iha Timor Leste ne’e koaze ema Singapora nian deit tanba ita nia situasaun politika ne’ebe diak, ita nia estabilidade, ita nia situasaun ne’ebe hakmatek no sira rona katak Timor Leste nasaun ne’ebe moris ho paz no dame , ne’e mak ohin sira mai iha ne’e atu koalia konaba infeste ba futuru nian, dehan Ministru Justisa, Dionesio Soares Babo, iha nia edifisiu, kaikoli, Dili, Sesta (23/11)

Nia mos informa katak sira ohin mai ne’e atu hatene klean liu tan ita nia sistema lei no oinsa no ita nia lei investementu ne’e lao nusa, no ami esplika ba sira katak ami dezenvolve hela kuadru legal barak ne’ebe iha relasaun ho investementu no politika makro ekonomia no mikro ekonomia mos atu nune’e bele iha serteja legal ba ema ne’ebe negosiu sira.

Negosiu sira ne’ebe mai iha ne’e bele investe iha ne’e laiha problema tanba ita atu tama ASEAN no ita hakarak sai komunidade ASEAN nian ne’ebe nia orientasaun ekonomia nian makas tebes tanba ne’e ita presiza atu fo hatene ba sira no fo garantia ba sira katak Timor Leste fatin ida ne’ebe bele halo investementu no Timor Leste fatin ne’ebe la iha problema no povu ne’ebe diak no povu ne’ebe edukadu no povu ne’ebe maturidade atu bele simu ema husi liur mai atu investe iha ita nia rai.